Samfélagsmiðlar

Ekki lengur skylda að gista í sex nætur

Nú ráða ferðamenn á ný hversu lengi þeir dvelja í Danmörku.

kaupmannahofn ferdamadur Morten Jerichau

Ferðafólk í Danmörku er ekki lengur bundið af því að gista að lágmarki sex nætur í landinu.

Þegar Danir opnuðu landamæri sín á ný þann 15. júní sl. þá urðu ferðamenn að sýna fram á að þeir ættu bókaða gistingu í að lágmarki sex nætur við komuna til Danmerkur.

Þessi kvöð mætti mikilli andstöðu hjá danskri ferðaþjónustu og ekki síður sú regla að ferðafólk mátti ekki gista í Kaupmannahöfn. Síðarnefnda krafan var fljótlega felld úr gildi og nú heyrir sex nátta reglan líka sögunni til.

Þar með geta ferðamenn í Danmörku hagað ferðum sínum eins og þeir vilja. Því fagnar forsvarsfólk danskra ferðaþjónustufyrirtækja en samkvæmt útreikningum þeirra hefur þessi sex nátta regla kostað fyrirtækin í geiranum tugi milljarða íslenskra króna.

Frá Íslandi eru tíðar flugferðir til Kaupmannahafnar á vegum bæði Icelandair og SAS og í júlí voru Danir fjölmennastir í hópi ferðamanna hér á landi.

Nú hefur embætti landlæknis aftur á móti varað Íslendinga við ferðalögum út í heim og frá og með morgundeginum þurfa allir í fjögurra til fimm daga sóttkví við heimkomuna. Það er því viðbúið að það munu ekki margir Íslendingar halda í frí til Danmerkur á næstunni.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …