Samfélagsmiðlar

Keppinautar Icelandair Group ekki beðnir um álit

Það er ekki að sjá á frumvarpi fjármálaráðherra að fimmtán milljarða króna lánalína til Icelandair Group takmarkist við stuðning við rekstur millilandaflugs. Starfsemi fyrirtækisins er víðtæk og félagið er í samkeppni við fjölda íslenskra fyrirtækja. Fjárlaganefnd hefur þó ekki óskað eftir umsögnum frá þeim.

Alþýðusamband Íslands, Ferðamálastofa, BSRB, Isavia og stóru bankarnir þrír eru meðal þeirra átján aðila sem fjárlaganefnd hefur óskað eftir áliti frá í tengslum fimmtán milljarða króna lánalínu hins opinbera til Icelandair Group.

Enginn af núverandi keppinautum samsteypunnar hér á landi er aftur á móti beðinn um umsögn. Reyndar er óskað eftir áliti frá Play en það félag er ekki ennþá komið með flugrekstrarleyfi.

Flugrekstur flugfélagsins Ernis á sér aftur á móti langa sögu og það fyrirtæki á í samkeppni við Air Iceland Connect, dótturfélag Icelandair, í innanlandsflugi. Nafn Ernis er þó ekki að finna á lista þeirra sem fjárlaganefnd vill heyra í áður en frumvarpið um ríkisábyrgðina verður samþykkt.

Þar er heldur ekki að finna allar þær ferðaskrifstofur sem etja kappi við Vita, dótturfélag Icelandair Group, í sölu á utanlandsferðum. Icelandair sjálft er svo einnig stórtækt í sölu á pakkaferðum fyrir Íslendinga út í heim.

Innan Icelandair Group er líka Iceland Travel en sú ferðaskrifstofa sérhæfir sig í skipulagningu Íslandsferða. Á því sviði er samkeppnin hörð enda fjöldi íslenskra fyrirtækja sem starfar á þeim markaði. Á þá staðreynd er ekki minnst á í sameiginlegri umsögn Samtaka atvinnulífsins og Samtaka ferðaþjónustunnar um ríkislánið. Í staðinn hvetja samtökin til þess að frumvarpið verði samþykkt óbreytt.

Fleiri dótturfélög Icelandair Group eiga í beinni samkeppni hér heima. Á sviði vöruflutninga er Icelandair Cargo til að mynda stórtækt. Air Atlanta og Bláfugl eru líka á þeim markaði.

Flugþjónustufyrirtækið IGS er enn eitt dótturfélagið sem starfar á samkeppnismarkaði og ennþá á Icelandair Group fjórðungs hlut í Icelandair hótelunum, næst stærsta hótelfyrirtæki landsins.

Túristi hefur óskað eftir svörum frá Willum Þór Þórssyni, formanni fjárlaganefndar, á því afhverju ekki er óskað eftir umsögnum frá þeim íslensku fyrirtækjum sem í dag eiga í samkeppni við dótturfélög Icelandair Group.

Nýtt efni

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …