Samfélagsmiðlar

Nefna WOW bara einu sinni á nafn

Það er engum blöðum um það að fletta að hraður uppgangur WOW air setti verulegt strik í reikninginn hjá Icelandair. Nafn félagsins kemur þó bara einu sinni sinni fyrir í nýrri fjárfestakynningu Icelandair.

Airbus þota WOW air í London.

Þegar mest lét flutti WOW air orðið álíka marga farþega og Icelandair. Og óhætt er að segja að þessi miklu umsvif flugfélags Skúla Mogensen hafi haft mjög neikvæð áhrif á rekstur Icelandair. Þannig tapaði félagið nærri sjö milljörðum króna árið 2018 en það ár var almennt mjög gott í flugrekstri.

Samkeppni félaganna tveggja var hörð og til marks um það þá hóf Icelandair að fljúga til nokkurra borga árin 2017 og 2018 sem WOW air hafði áður setið eitt að. Icelandair stokkaði líka upp sölustarfsemi sína og var þá horft til þess árangurs sem WOW air hafði náð án þess að reka söluskrifstofur út í heimi. Öfugt við það sem Icelandair hefur alltaf gert.

Rekstur WOW gekk þó ekki upp á endanum og undir það síðasta fékk félagið að safna upp verulegum skuldum hjá Isavia. Engu að síður er ljóst að Icelandair átti í töluverðum vandræðum með samkeppnina.

Því vekur það athygli að heiti þessa gamla keppinautar kemur aðeins einu sinni fyrir í nýrri kynningu Icelandair í tengslum við komandi hlutafjárútboð. Og þessi eina tilvísun kemur ekki fyrir í kafla um rekstur félagsins heldur aðeins þegar farið er yfir ferilskrá Tómasar Ingasonar, eins af framkvæmdastjórum Icelandair. En Tómas var tvívegis ráðinn til WOW en stoppaði stutt í bæði skiptin.

Áform Play eru svo sem ekki nefnd sérstaklega heldur en í fyrrnefndri fjárfestakynningu er þó að finna mat sérfræðinga Icelandair á því hversu langan tíma það tæki fyrir nýtt íslenskt flugfélag að ná fótfestu. Er þá horft til flugfélags sem býður upp á tengiflug milli Evrópu og Norður-Ameríku líkt og WOW air var með og forsvarsmenn Play horfa líka til.

Samkvæmt mati Icelandair þá yrði vöxtur þess háttar keppinautar hægur fyrstu mánuðina vegna takmarkana á flugi nýliða til Bandaríkjanna. Síðan tæki við tímabil þar sem flækjurnar í rekstri skiptistöðvar myndu koma fram. Auk þess telja stjórnendur Icelandair að það myndi taka fimm til tíu ár fyrir nýtt flugfélag að fá heppilega afgreiðslutíma á mikilvægustu flugvöllunum út í heimi.

Síðastnefnda fullyrðingin er nokkuð sérstök í ljósi þess að sérfræðingar Icelandair spá almennt töluverðri niðursveiflu í farþegaflugi næstu ár. Ein af afleiðingum þess ætti einmitt að vera sú að lausum afgreiðslutímum á flugvöllum fjölgi.

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …