Samfélagsmiðlar

Íslandsbanki og Landsbanki fara alla leið með Icelandair

Ríkisbankarnir tveir munu sölutryggja ríflega fjórðung af hlutafjárútboði Icelandair. Sömu bankar eru einnig meðal helstu kröfuhafa félagsins í dag og munu jafnframt dekka tíund af ríkisábyrgðinni sem nú er til umræðu á Alþingi. Til viðbótar kemur svo sjö milljarða rekstrarlína.

Eftir tvær vikur hefst hlutafjárútboð Icelandair Group þar sem ætlunin er að safna að lágmarki tuttugu milljörðum króna í nýtt hlutafé. Af þeirri upphæð ætla Íslandsbanki og Landsbankinn að tryggja sölu á samtals sex milljörðum króna eða rúmlega fjórðungi.

Samkomulag þess efnis var kynnt seinnipartinn í dag. Í tilkynningu segir að samningurinn sé háður því skilyrði að fjárfestar skrái sig fyrir að lágmarki fjórtán milljörðum króna.

Íslandsbanki og Landsbanki, sem báðir eru í eigu hins opinbera, eru í dag meðal helstu lánadrottna Icelandair. Landsbankinn lánaði til að mynda Icelandair Group áttatíu milljónir dollara í mars í fyrra gegn veði í tíu Boeing 757 þotum. Sú lánsfjárhæð jafngildir um ellefu milljörðum króna í dag.

Skuld Icelandair Group við Íslandsbanka skiptir einnig milljörðum króna og hefur bankinn meðal annars veð í fasteignum og flughermum samsteypunnar.

Auk þessa þá ætla þessir sömu bankar, ásamt íslenska ríkinu, að standa undir samtals sextán milljarða króna lánalínu til Icelandair Group. Ríkið tryggir níutíu prósent en bankarnir tíund eða samtals 1,6 milljarð króna.

Ofan á allt þetta bætist svo sjö milljarða kr. rekstrarlína frá Landsbankanum og Íslandsbanka til Icelandair samstæðunnar. Í kynningu fulltrúa fjármálaráðuneytisins fyrir fjárlaganefnd í síðustu viku kemur fram að fjórir milljarðar komi frá Íslandsbanka og þrír frá Landsbankanum.

Nýtt efni

Ferðamönnum hefur fjölgað í friðlandi Hornstranda eins og víðar á landinu, áætlað er að um 10.500 manns hafi haldið í friðlandið síðasta sumar, sem var tölvuverð aukning frá sumrinu þar á undan, 2022. Ólíkt mörgum öðrum ferðamannastöðum er ekki ætlunin að auka mikið við innviði til að bregðast við auknum fjölda„Hlutverk ferðamannsins er að aðlagast …

Ólafur Þór Jóhannesson, framkvæmdastjóri fjármálasviðs Play, hefur óskað eftir að láta af störfum. Hann mun sinna stöðunni þar til eftirmaður hans tekur við að því segir í tilkynningu. Ólafur Þór tók við fjármálasviði Play eftir að Þóra Eggertsdóttir „ákvað að segja skilið við félagið" í október 2022. Hún hafði þá gegnt stöðu fjármálastjóra allt frá …

Hjá erlendum hagstofum lenda íslenskir ferðamenn oft í flokknum „aðrir" þegar gefnar eru út tölur um gistinætur á hótelum. Þannig er það þó ekki í þýsku höfuðborginni og samkvæmt nýjustu tölum þaðan keyptu íslenskir gestir 5.530 gistinætur á hótelum í Berlín í janúar og febrúar. Þetta er meira en tvöföldun frá sama tíma í fyrra …

Síðastliðna tólf mánuði hefur vísitala neysluverðs hækkað um 6 prósent og um 3,9 prósent ef húsnæði er tekið út fyrir sviga. Verðmælingar Hagstofunnar sýna aftur á móti að verð á farmiðum til útlanda lækkaði um 11,4 prósent í apríl í samanburði við sama mánuð í fyrra. Þá voru páskarnir aðra helgina í apríl en eftirspurn …

Á árinu 2023 minnkaði sala í Danmörku á prentuðum bókum um 70,2 milljónir danskra króna (tæpa 1,5 milljarða íslenskra kr.) en á sama tíma jókst velta með stafrænar bækur, hljóð og e-bækur, um 35,3 milljónir danskra kr. (rúmar 700 milljónir kr). Einmitt þessi breyting kemur illa niður á rithöfundum landsins því tekjur þeirra og forlaganna …

Af þeim sex norrænu flugfélögum sem skráð eru á hlutabréfamarkað þá gengur best hjá hinu norska Norwegian. Félagið stokkaði upp leiðakerfið í heimsfaraldrinum, endursamdi við birgja og starfsfólk og í fyrra skilaði Norwegian methagnaði. Sú niðurstaða skrifaðist meðal annars á þá ákvörðun stjórnenda að draga töluvert úr umsvifunum yfir vetrarmánuðina. Það hefur leitt til að …

Í ágúst 2026 er áætlað að Victorian Fruit and Vegetable Market í höfuðborg Írlands opni dyr sínar á nýjan leik. Markaðurinn hefur verið lokaður í fimm ár og byggingin legið undir skemmdum en með hjálp 25 milljón evra þróunarstyrks er markmiðið að nýr markaður skáki ekki aðeins hinum víðfræga Enska markaði í Cork heldur mörkuðum …

Play tapaði 3,1 milljarði króna fyrir skatt á fyrsta ársfjórðungi í fyrra en núna var tapið 19 prósent hærra eða 3,7 milljarðar króna. Félagið jók framboðið um 63 prósent á milli þessara tveggja fjórðunga en í flota félagsins voru sex til átta þotur í byrjun síðasta árs en núna eru þær tíu. Einar Örn Ólafsson, …