Samfélagsmiðlar

Margfalt fleiri Íslendingar á norskum tjaldstæðum

Íslenskum gestum á norskum hótelum og gistiheimilum fækkaði mikið í júlí. Aftur á móti gistu miklu fleiri Íslendingar tjaldi í Noregi en áður.

Líkt og fleiri þjóðir þá ferðuðust Norðmenn innanlands í sumar. Það hafa líka Íslendingar búsettir í Noregi gert miðað við ásókn landans í norsk tjaldsvæði.

Bæði norsk og íslensk stjórnvöld hafa hert aðgerðir við landamærin síðustu vikur. Þar með þurfa allir í tveggja vikna sóttkví sem koma til Íslands og í Noregi er krafan tíu dagar í flestum tilfellum.

Í sumar voru reglurnar ekki eins strangar og þá flugu Icelandair, SAS og Norwegian reglulega milli Óslóar og Keflavíkurflugvallar. Engu að síður fækkaði norskum túristum hér á landi um 56 prósent í júlí í samanburði við sama tíma í fyrra samkvæmt tölum Ferðamálastofu.

Sambærileg talning er ekki til í Noregi en nýjar gistináttatölur hagstofunnar þar í landi sýna að gistinætur Íslendinga voru ríflega þrefalt fleiri í júlí en á sama tíma í fyrra.

Skýringin á þessari miklu viðbót liggur í fjölda íslenskra gesta á norskum tjaldsvæðum. Í júlí í fyrra voru gistinætur Íslendinga á norskum tjaldsvæðum 836 talsins. Núna rauk talan upp í 12.042 gistinætur. Viðbótin er því nærri fimmtán föld.

Þessa gríðarlegu aukningu má vafalítið rekja til þeirra rúmlega tíu þúsund Íslendinga sem búa í Noregi. Þeir hafa nefnilega haldið sig heima í sumar og þá kosið að tjalda.

Tölur norsku hagstofunnar sýna nefnilega að Íslendingar keyptu 73 prósent færri gistinætur á hótelum og gistiheimilum í Noregi í júlí. Samdrátturinn nam um tveimur þriðju þegar kemur að farfuglaheimilum. Íslendingarnir sem búsettir eru í Noregi hafa þá ekki náð að fylla skarðið sem íslenskir túristar þar í landi hafa skilið eftir sig í sumar.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …