Samfélagsmiðlar

Þjálfun í MAX-flugherminum í Hafnarfirði gæti komist í gang í nóvember

Evrópsk flugmálayfirvöld munu mögulega samþykkja breytingar á Boeing MAX þotunum fyrir árslok.

Hjá TRU Flight Training Iceland, dótturfélagi Icelandair Group, er ekki aðeins hermir fyrir Boeing MAX þotur heldur líka Boeing 757 og 767.

„Við eigum alveg eins von á því að þjálfun hefjist hjá okkur að einhverju marki í nóvember. Bæði flugmenn Icelandair og erlendra flugfélaga. Til að byrja með er um nýþjálfun að ræða og þegar búið verður að gefa út skírteini um flughæfni flugvélanna þá má búast við sérþjálfun fyrir hverja áhöfn í samræmi við útgefnar þjálfunarkröfur,“ segir Guðmundur Örn Gunnarsson, framkvæmdastjóri TRU Flight Training Iceland, sem rekur flugherma Icelandair í Hafnarfirði.

Þar á meðal er einn þeirra fáu Boeing MAX-herma sem til eru í Evrópu. En gerð verður krafa um allir þeir flugmenn sem fljúga eiga MAX þotum fari í sérstaka þjálfun í flughermi áður en þeir taka á loft á nýjan leik.

Og það gæti styst í að þessar umtöluðu þotur verði á ný nýttar í að ferja fólk milli landa. Yfirmaður Evrópsku flugöryggisstofnunarinnar gaf nefnilega út í vikulok að nýlegar prófanir á þotunum hefðu gengið vel. Þær breytingar sem gerðar hafa verið á vélunum, eftir að þær voru kyrrsettar í mars í fyrra, gætu því fengið grænt ljós yfirvalda fyrir áramót.

Þær betrumbætur snúa aðallega að sérstökum stýribúnaði vélanna en tvö mannskæð flugslys eru rakin hönnunargalla í honum.

Guðmundur Örn segir að búið sé að uppfæra hugbúnaðinn í MAX-herminum í Hafnarfirði en ekki liggi fyrir hvort sú útgáfa verði sú endanlega. Það komi fyrst í ljós þegar flugvélarnar fá samþykki flugmálayfirvalda. Það þýðir að þeir flugmenn sem hafa fengið þjálfun í flugherminum að undanförnu þurfa að fara í herminn á ný eftir að endanlegt samþykki fyrir hugbúnaðinum er fengið. Jafnvel þó engar breytingar verði gerðar á búnaðinum.

Nú er örstutt í að stór hluti þess efnis sem hér birtist verði aðeins aðgengilegt áskrifendum. Tekjur af auglýsingasölu duga einfaldlega ekki lengur til að halda úti metnaðarfullum skrifum um ferðalög og ferðaþjónustu.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …