Samfélagsmiðlar

„Það er engin ástæða til að halda að ástandið batni á næstunni“

Bandaríska lágfargjaldaflugfélagið Southwest hefur líkt og önnur félög orðið fyrir miklu höggi vegna Covid-19. Forstjórinn telur ekki að betri tíð bíði handan við hornið.

Bandarísk stjórnvöld hafa síðustu mánuði staðið undir stórum hluta af launakostnaði Southwest og fleiri flugfélaga. Nú er óljóst hvort framhald verði þar á.

Allt frá því að Covid-19 setti flugsamgöngur úr skorðum þá hefur bandaríska ríkið staðið undir stórum hluta af launakostnaði flugfélaganna þar í landi. Í staðinn mega félögin ekki segja upp fólki og eins gerði stjórn Donald J. Trump kröfu um að að flugleiðir yrðu ekki lagðar niður.

Að öllu óbreyttu lýkur þessari opinberu aðstoð nú um mánaðamótin og þá stefnir í gríðarlegar uppsagnir í fluggeiranum vestanhafs. Af þeim sökum reyna forstjórar bandarískra flugfélaga þessa dagana að sannfæra ráðamenn þjóðarinnar um að framlengja stuðninginn.

Þeirra meðal er Gary Kelly, forstjóri Southwest flugfélagsins, sem er það fjórða stærsta í Bandaríkjunum. Í viðtali við CNBC í vikunni fór hann yfir stöðuna og sagði umsvif Southwest hafa dregist saman um sjötíu prósent og á því hefðu orðið litlar breytingar síðustu vikur.

„Það er engin ástæða til að halda að ástandið batni á næstunni,“ bætti Kelly við og vísaði til þess að ennþá ætti eftir að ná tökum á Covid-19 heimsfaraldrinum.

Segja má að staða Southwest sé þó á margan hátt betri en margra annarra flugfélaga. Umsvif þessa lágfargjaldaflugfélags takmarkast nefnilega að mestu við innanlandsflug. Þess háttar útgerð hefur dregist mun minna saman en flug milli heimsálfa.

Á þetta er til að mynda bent í nýrri greiningu fjárfestingabankans Morgan Stanley. Sérfræðingar bankans mæla þar með kaupum í bréfum flugfélaga sem sinna flugi innan Ameríku, þar á meðal Southwest. En síður í flugfélögum sem byggja afkomu sína að miklu leyti á alþjóðaflugi.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …