Samfélagsmiðlar

Hafa kært í tvígang og halda fluginu áfram tímabundið

Um mánaðamótin hefði flug til Gjögurs, Bíldudals og Hafnar í Hornafirði átt að hefjast í takt við skilmála útboðs Vegagerðarinnar. Af því verður þó ekki.

Frá flugvellinum við Bíldudal.

Flugfélagið Ernir hefur öðru sinni kært úthlutun Vegagerðarinnar á flugi til Bíldudals og Gjögurs. Útboð á þessum flugleiðum var haldið í sumar og í kjölfarið var gengið til samninga við Norlandair. Það flugfélag fékk einnig áætlunarferðirnar til Hafnar í Hornafirði sem boðnar voru út á sama tíma.

Síðustu ár hefur Flugfélagið Ernir sinnt ferðum til þessara þriggja flugvalla og kærðu stjórnendur þess niðurstöðu Ríkiskaupa og Vegagerðarinnar.

Niðurstaða kæruferilsins var sú að Ernir fékk aftur flugið til Hafnar í Hornafirði en Norlandair hélt Gjögri og Bíldudal. Aftur kærði Ernir og meðan beðið er eftir niðurstöðu úrskurðarnefndar kærumála þá hefur Vegagerðin samið við Erni um að sinna áætlunarferðunum til þessara tveggja áfangastaða.

Í svari Vegagerðarinnar, við fyrirspurn Túrista, segir að um sé að ræða tímabundna lausn til að tryggja flug á alla umrædda staði til bráðabirgða nú á sunnudaginn og næstu daga þar á eftir. En upphaflega átti að hefja flug samkvæmt útboðsgögnum þann 1. nóvember nk.

Það voru samtals 10.008 farþegar sem áttu leið um flugvöllinn í Hornafirði í fyrra. Það er um 12 prósent færri en árið á undan samkvæmt flugtölum Isavia. Í þeim kemur ekki fram hver farþegafjöldinn var í flugi til Gjögurs og Bíldudals en samtals flugu rétt 10.674 farþegar um minnstu flugvelli landsins í fyrra sem var samdráttur um rúmlega fjörutíu af hundraði.

Á landsvísu fækkaði farþegum í innanlandsflugi í fyrra um 11,4 prósent í fyrra.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …