Samfélagsmiðlar

Sætanýtingin í Bandaríkjafluginu batnaði ekki þrátt fyrir brotthvarf Delta og WOW air

Í heildina minnkaði framboð á flugsætum um rúmlega helming milli janúar og febrúar 2018 og í ár.

Icelandair var á nýjan leik eitt um áætlunarferðir milli Íslands og Bandaríkjanna síðastliðinn vetur. Þar á undan höfðu nefnilega bæði Delta og WOW air veitt félaginu samkeppni allt árið um kring. Þrátt fyrir þessa miklu breytingu þá skar Icelandair niður framboð í ársbyrjun og um leið lækkaði sætanýtingin lítillega.

Hjá AerLingus, sem sækir mikið á sömu mið og Icelandair, var þróunin aftur á móti önnur. Írska flugfélagið jók framboði og nýtingin hækkaði en var þó lægri en hjá Icelandair.

Tólf prósent samdráttur

Það var ekki fyrr en í mars sem kórónaveiran setti áætlunarflug milli Evrópu og Bandaríkjanna almennilega úr skorðum. Fyrstu tveir mánuðir ársins voru því hefðbundnir að miklu leyti og flutti Icelandair þá rúmlega 118 þúsund farþega til og frá Bandaríkjunum.

Það jafngilti tólf prósent samdrætti frá janúar og febrúar árið 2019. En í ársbyrjun í fyrra var WOW air á síðustu metrunum og hafði dregið verulega úr flugi vestur um haf. Delta var þó ennþá með sínar ferðir milli Íslands og New York.

Í janúar og febrúar í ár var Icelandair aftur á móti orðið eitt um áætlunarferðirnar héðan til Bandaríkjanna. Félagið skar engu að síður niður framboðið samkvæmt því sem lesa má út úr farþegatölum frá bandarísku samgöngustofnuninni. Þau gögn ná reyndar fram í mars en sá mánuður litaðist verulega af útbreiðslu Covid-19 og því er honum sleppt í þessari úttekt Túrista.

Sætanýtingin mun lægri en fyrir samkeppnina

Heildarfjöldi flugsæta, sem Icelandair hafði í boði milli Íslands og Bandaríkjanna, dróst sömuleiðis saman um 12 prósent líkt og farþegunum þessa fyrstu tvo mánuði ársins. Að jafnaði voru því 72,2 prósent sætanna skipuð farþegum en hlutfallið var aftur á móti 72,6 prósent í janúar og febrúar í fyrra.

Nýtingin var reyndar 79,7 prósent í ársbyrjun 2015 en síðar það ár fór WOW air í jómfrúarferð sína til Bandaríkjanna. Svo bætti Delta við vetrarferðum til Íslands frá New York og markaðurinn gjörbreyttist. Sætanýtingin lækkaði hjá Icelandair í kjölfarið eins og sjá má á súluritinu hér fyrir neðan.

Írska „Value-flugfélagið“ bætti í

Sem fyrr segir dró Icelandair úr framboði á flugi til Bandaríkjanna í byrjun þessa árs. Það gerði aftur á móti ekki Aer Lingus. Framboð þess félags jókst um 11,5 prósent í ársbyrjun og sætanýtingin fór úr 69,5 prósentum í 71,8 prósent. Hún var sem sagt lægri en hjá Icelandair en Aer Lingus gerir líkt og Icelandair mikið út á flug milli Evrópu og Norður-Ameríku. Bæði staðsetja sig mitt á milli lágfargjaldaflugfélaga og hefbundinna og til marks um það er Aer Lingus sagt vera „Value-Airline“ á heimasíðu flugfélagsins.

Hafa ber í huga að flugfélög reikna út sætanýtingu eftir fluglengd og framboði. Útreikningarnir hér að ofan byggja þó aðeins á framboðnum sætum og fjölda farþega.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …