Samfélagsmiðlar

Stærsta ferðaskrifstofan seld úr safni Arion banka

Nú stendur yfir fjárhagsleg endurskipulagning á danska fyrirtækinu Travelco Nordic sem Arion banki tók yfir í fyrra. Heimsferðir fara einnig út úr þessu danska móðurfélagi.

Skjámynd af vef Travelco Nordic.

Primera Travel Group, ferðaskrifstofuveldi Andra Más Ingólfssonar, var fært úr íslensku móðurfélagi yfir í danskt stuttu eftir gjaldþrot Primera Air haustið 2018. Arion banki tók svo danska móðurfélagið yfir rúmu hálfu ári síðar og þá var ætlunin að selja þær sjö ferðaskrifstofur sem heyrðu undir fyrirtækið. Aðeins ein þeirra seldist áður en heimsfaraldurinn lamaði öll ferðalög á milli landa og sömuleiðis áhuga fjárfesta á ferðaskrifstofum.

Fyrr í þessum mánuði óskuðu forráðamenn Travelco Nordic svo eftir leyfi danskra dómstóla fyrir einskonar greiðsluskjóli. Í Danmörku þýðir það þó að fyrirtækið fær yfir sig umsjónarmenn sem hafa leyfi til að selja eignir fyrirtækisins.

Fyrir helgi gáfu þeir út að frestur til að bjóða í eignir Travelco Nordic myndi renna út á hádegi síðastliðinn föstudag. Og nú hefur Bravo Tours, stærsta ferðaskrifstofan í eigu Travelco Nordic verið seld samkvæmt frétt jóska fréttamiðilsins Herning Folkeblad. Ekki liggur þó fyrir hver keypti.

Danski lögmaður Troels Tuxen, annar umsjónarmanna Travelco Nordic, staðfestir söluna í svari til Túrista og segir Heimsferðir einnig hafa verið seldar en vísar á Jón Karl Ólafsson, stjórnarformann Travelco Nordic, varðandi nánari upplýsingar um stöðu íslensku ferðaskrifstofunnar.

„Heimsferðir verða áfram beint í eigu Arion banka og það verða engar breytingar á rekstri þess fyrirtækis vegna þessara breytinga í Skandinavíu,“ segir Jón Karl í svari til Túrista. Hann segir að rekstur Bravo Tours hafi gengið best af þeim fyrirtækjum sem heyra undir Travelco Nordic en reikna megi með því að fleiri vörumerki í eigu fyrirtækisins verði seld á næstu dögum. 

Nýtt efni

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …