Samfélagsmiðlar

Vægi Icelandair hefur ekki áður verið eins lágt

Ungverska lágfargjaldaflugfélagið Wizz Air stóð fyrir álíka mörgum áæltlunarferðum frá Keflavíkurflugvelli og Icelandair gerði í nýliðnum mánuði. Hlutdeild íslenska flugfélagsins lækkaði þar með um rúmlega helming í september.

Ferðum Icelandair fækkaði um 95 prósent í september. Samdrátturinn Íslandsflugi easyJet og Wizz Air var rétt um helmingur.

Að jafnaði voru farnar rétt rúmlega sjö áætlunarferðir á dag frá Keflavíkurflugvelli í september en meðaltalið nam sextíu og sex brottförum á sama tíma í fyrra. Niðursveiflan var því 89 prósent en til samanburðar var hún 77 prósent í ágúst og 79 prósent í júlí.

Að þessu sinni stóð Icelandair fyrir rétt um 28 prósent af öllum áætlunarferðum frá landinu. Vægi félagsins hefur ekki áður verið svo lágt í þessum mánaðarlegu talningum Túrista á flugumferð en þær ná nokkur ár aftur í tímann.

Skýringin á þessum mikla samdrætti er sú að ferðum Icelandair fækkaði um 95 prósent í síðasta mánuði. Þotur félagsins flugu nefnilega aðeins 61 ferð til útlanda í september en fjöldinn var rúmlega þrettán hundruð í fyrra.

Flugferðum Wizz Air hingað til lands fækkaði miklu minna eða um rétt rúmlega helming. Þar með var þetta ungverska lágfargjaldaflugfélag álíka umsvifamikið í flugi til og frá Íslandi og Icelandair eins og sjá má á súluritinu hér fyrir neðan.

Hið breska easyJet kemur svo þar á eftir en samdrátturinn í Íslandsflugi þess félags nam um helmingi að þessu sinni. Samtals buðu tíu flugfélög upp á áætlunarferðir frá Keflavíkurflugvelli í nýliðnum mánuði. Þau voru tuttugu og þrjú í fyrra.

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …