Þýska lágfargjaldaflugfélagið Eurowings hefur haldið úti áætlunarferðum til Íslands yfir sumarmánuðina um langt árabil. Þegar mest lét flugu þotur félagsins hingað frá fimm þýskum borgum en síðasta sumar var ætlunin að bjóða aðeins upp á ferðir hingað frá Hamborg.
Ekkert varð af hins vegar af því vegna heimsfaraldursins og það er ekki útlit fyrir að félagið ætli að taka upp þráðinn á næstu vertíð.
Talsmaður flugfélagsins staðfestir nefnilega í svari til Túrista að ekkert beint flug til Íslands sé á sumaráætluninni að þessu sinni. Hann segir þó ekki útilokað að á því verði breyting þegar fram líður.
Eurowings er hluti af Lufthansa Group en innan þeirra samsteypu eru nokkur af stærstu flugfélögum meginlands Evrópu. Af þeim eru tvö með Íslandsflug á dagskrá á næsta ári, Lufthansa og Austrian Holidays.
