Samfélagsmiðlar

Hóteljöfurinn svartsýnn á framhaldið

„Þeir sem fullyrða að kreppan sé á enda vita ekki hvað þeir eru að tala um. Það sem við höfum séð fram til þessa er bara byrjunin," segir Petter Stordalen sem rekur um 200 hótel á hinum Norðurlöndunum.

„Núna er viðskiptalífið að taka símalán á yfirsnúningi," segir Stordalen.

Næsta ár mun einkennast af fjöldagjaldþrotum og gríðarlegu atvinnuleysi meðal ungs fólks ef stjórnvöld rétta hótel- og veitingageiranum ekki hjálparhönd. Þetta er meðal þess sem fram kemur í aðsendri grein norska hóteljöfursins Petter Stordalen í sænska dagblaðinu Aftonbladet í gær.

Þar kallar Norðmaðurinn eftir auknum stuðningi við atvinnugrein sem byggi tilveru sína á því að fólk fái að ferðast og umgangast aðra. Þær takmarkanir sem nú gilda koma hins vegar í veg fyrir ferðalög og samkomur og því eru tekjur fyrirtækjanna nánast engar.

Þetta neyðaróp Stordalen hefur farið víða um helgina enda hafa stærstu viðskiptafjölmiðlar frændþjóðanna vitnað í greinina. Umsvif hans eru nefnilega mikil á öllum hinum Norðurlöndunum þar sem hann rekur hátt í tvö hundruð hótel. Og blaðafulltrúi Stordalen útlilokaði ekki fjárfestingar hér á landi í viðtali við Túrista stuttu fyrir heimsfaraldurinn.

„Þeir sem fullyrða að kreppan sé á enda vita ekki hvað þeir eru að tala um. Það sem við höfum séð fram til þessa er bara byrjunin,“ segir Stordalen í grein sinni. Vísar hann til þess að nú fjármagni fyrirtæki sig á lánsfé. „Núna er viðskiptalífið að taka símalán á yfirsnúningi,“ bætir Norðmaðurinn við og segir að blóðbaðið byrji á næsta ári þegar komið sé að skuldadögum.

„Það verður að gera upp leigugreiðslurnar sem fyrirtækin hafa fengið frestun á og reikningana frá birgjum sem hrannast hafa upp,“ skrifar Stordalen og segir að nú sé þörf á leikreglum fyrir hótel- og veitingageirann sem gildi lengra fram í tímann.

Auk þess verði atvinnugreinin að fá bætur sem taki mið af gildistíma þeirra aðgerða sem stjórnvöld hafa innleitt.

„Í stuttu máli sagt: Allar takmarkanir kalla á plástur frá hinu opinbera til að stöðva blæðinguna,“ segir norski hóteljöfurinn.

Þessi grein er öllum opin en meirihluti frétta Túrista er aðeins fyrir áskrifendur. Hér getur þú keypt áskrift.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …