Samfélagsmiðlar

Áfram hörð samkeppni þó Norwegian hverfi af braut

Lífróður Norwegian flugfélagsins er orðinn langur og nú reyna stjórnendur félagsins að sannfæra lánadrottna um gefa eftir stóran hluta af kröfum sínum. Á sama tíma hefur verið óskað eftir greiðsluskjóli fyrir dótturfélög norska félagsins á Írlandi þar sem bróðurpartur flugflotans er skráður.

Þrátt fyrir dökkt útlit hjá helsta keppinautinum þá er Rickard Gustafsson, forstjóri SAS, sannfærður um að samkeppnin verði áfram hörð. Þetta kemur fram í viðtölum sem forstjórinn hefur veitt síðustu daga í skandinavísku viðskiptapressunni.

Þar hefur Gustafsson bent á að í hvert sinn sem flugfélag hverfi af markaðnum í Evrópu þá komi önnur félög inn og stoppi í gatið á örskotsstundu. Reyndar má segja að það hafi ekki gerst á íslenska markaðnum við fall WOW air líkt og Túristi hefur áður rakið.

En forstjóri SAS er þó sannfærður um að samkeppnin verði áfram á hans markaði og það eru greinendur líka. Þannig telur Hans Jørgen Elnæs, í viðtali við Børsen, tölurverðar líkur á því að lággjaldaflugfélög blandi sér í slaginn um farþega á leið milli helstu áfangastaða í Skandinavíu. Ástæðan sé sú að forsvarsmenn þessara félaga sjái vel að SAS geti ekki keppt við þau í kostnaði.

Og segja má að þessi innreið lággjaldaflugfélaganna sé hafin því nú stundar Wizz Air innanlandsflug í Noregi af miklum krafti. Þar í landi hefur svo nýtt flugfélag boðað komu sína á markaðinn. Það félag er hefur fengið heitið Flyr og ætlunin er að hefja flugrekstur á fyrri hluta næsta árs. Það félag mun einbeita sér að ferðum innan Skandinavíu.

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …