Áætlunarferðunum til og frá landinu fækkaði um 96 prósent í nóvember sem var meiri samdráttur en mánuðina á undan eins og sjá má á línuritinu hér fyrr neðan. Megin skýringin á þessari niðursveiflu er sú að erlendu flugfélögin gerðu flest hlé á ferðum sínum hingað til lands frá og með lokum október.
Icelandair stóð því undir bróðurparti umferðarinnar um Keflavíkurflugvöll í nóvember. Í þarnæstu viku taka nokkur erlend flugfélög hins vegar upp þráðinn á ný og eins ætlar Icelandair að standa fyrir sérstakri jóla- og áramótadagskrá.
Í heildina stefnir í að fjöldi flugferða, til og frá Keflavíkurflugvelli, verði rétt um 320 í mánuðinum. Það er nærri þrefalt meira en í nóvember og ef þessi áform ganga eftir þá verður samdrátturinn í áætlunarflugi heðan til útlanda 89 prósent í desember.
Það er minni niðursveifla en mánuðina á undan eins og sjá má á línuritinu hér fyrir neðan. Þar sést einnig að farþegahópurinn á Keflavíkurflugvelli minnkar vanalega hlutfallslega meira en fjöldi flugferða en þess ber að geta að Isavia hefur ekki birt upplýsingar um fjölda farþega í síðasta mánuði.
