Samfélagsmiðlar

19 erlend félög með Íslandsflug á dagskrá í sumar

Það má telja víst að áætlanir flugfélaga eigi eftir að halda áfram að breytast næstu mánuði. Óvissan er nefnilega ennþá mjög mikil um það hvenær fólk getur ferðast á milli landa og heimsálfa á ný. En eins og staðan er í dag munu erlend flugfélög standa fyrir nærri 18 ferðum á dag til Keflavíkurflugvallar í júní nk. Það er samdráttur um fimmtung frá sama mánuði 2019.

Nærri ein af hverjum fjórum ferðum erlendra flugfélaga frá Keflavíkurflugvelli í sumarbyrjun verður á vegum Wizz Air.

Framboð á flugi til og frá landinu er það sem skiptir mestu máli í rekstri íslenskra ferðaþjónustufyrirtæka í ár. Þetta sýna niðurstöður nýrrar könnunar meðal forsvarsfólks fyrirtækjanna sem kynnt var á fundi SAF og Íslenska ferðaklasans í gær.

Og það er skiljanlegt að í landi þar sem nærri allir ferðamenn koma fljúgandi að þessi þáttur vegi þungt í huga stjórnenda ferðaþjónustufyrirtækja.

Túristi hefur rýnt í flugáætlanir flugfélaganna á Keflavíkurflugvelli fyrir komandi sumar og hér er fyrsta samantekt af nokkrum sem birtast mun í vikunni um framboð á flug til og frá landinu næstu mánuði.

Við byrjum á erlendu flugfélögunum á Keflavíkurflugvelli í maí og júní og berum saman við sama tímabili árið 2019.

Í heildina eru 979 áætlunarferðir hingað til lands á dagskrá sem jafngildir samdrætti upp á fjórtán prósent. Í maí er hann en ennþá aðeins þrír af hundraði en um fimmtungur í júní.

Wizz Air stendur undir um fjórðungi af framboðinu en það félag stefnir á reglulegar ferðir hingað frá tíu evrópskum borgum. Fimm pólskum en líka frá Mílanó, Dortmund, Búdapest, Riga, Vínarborg og London. Framboð félagsins af Íslandsflugi, eins og staðan er í dag, mun þá aukast um 5 prósent miðað við maí og júní árið 2019.

Skandinavíska flugfélagið SAS verður næst umsvifamesta erlenda flugfélagið miðað við núverandi áætlun. Þotur félagsins eiga að koma hingað daglega frá bæði Ósló og Kaupmannahöfn og í lok júní byrjar flug frá Stokkhólmi. Samdrátturinn hjá SAS frá sumrinu 2019 nemur 6 próentum.

Niðurskurðurinn í útgerð easyJet hér á landi er hlutfallslega mun meiri eða 35 prósent. Þrátt fyrir það er 91 ferð til Keflavíkurflugallar á dagskrá hjá félaginu í maí og júni.

Annað lággjaldaflugfélag, Transavia, er í fjórða sæti en stjórnendur þess juku áhersluna á Íslandsflug eftir fall WOW air og munu þotur félagsins koma hingað frá París og Amsterdam í sumar.

Lufthansa, Delta og Finnair eru í sætunum þar á eftir þegar horft er til fjölda áætlunarferða eins og sjá má á töflunni hér fyrir neðan.

Þess ber að geta að frestur flugfélaga til að segja upp lendingarleyfum í sumar rennur formlega út þann 31. janúar. Það er líka viðbúið að flugfélag sem byggja töluvert á tengifarþegum muni skera áætlanir sínar niður.

Sem dæmi má nefna Finnair sem áformar að fljúga hingað daglega í sumar en stór hluti farþeganna í Íslandsflugi Finnair eru Asíubúar. Ef flugsamgöngur milli Evrópu og Asíu verða áfram takmarkaðar þá er viðbúið að gerðar verði breytingar á áætlun finnska flugfélagsins.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …