Samfélagsmiðlar

Endurkoma Norwegian dregst á langinn

Ætlunin er að grynnka á skuldum flugfélagsins um nærri áttatíu prósent. Þau áform byggjast þó á því að greiðslustöðvun félagsins verði framlengd.

Borgarfógeti í Ósló hélt fund í morgun með stjórnendum Norwegian flugfélagsins og kröfuhöfum en flugfélagið fór í greiðslustöðvun í Noregi í desember. Fundurinn var hluti af því ferli.

Samkvæmt fréttum norskra fjölmiðla þá kom það fram í máli Jacob Schram, forstjóra Norwegian, á fundinum að hann gerir ráð fyrir að félagið hafi burði til að auka starfsemina jafnt og þétt frá byrjun sumars.

Það mun aftur á móti taka lengri tíma að koma fjárhagsstöðu Norwegian í það góðar horfur að félagið þarf ekki lengur vernd fyrir kröfuhöfum sínum. Fyrstu áform gerðu nefnilega ráð fyrir að því greiðslustöðvuninni myndi ljúka í lok febrúar en núna er horft til byrjun apríl samkvæmt frétt E24.

Þær áætlanir sem stjórnendur Norwegian kynntu nýverið gera ráð fyrir að skuldir félagsins fari úr 46 milljörðum norskra króna og niður í 10 milljarða. Sú lækkun nemur nærri 550 milljörðum íslenskra króna.

Á sama tíma verður flugfloti félagsins skorinn verulega niður eða úr 140 þotum í fimmtíu. Og þar af vill Norwegian losna við allar Boeing Dreamliner þoturnar sínar og um leið hætta öllu áætlunarflugi til Norður-Ameríku og Asíu.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …