Samfélagsmiðlar

„Án stuðnings Icelandair yrði rekstur Iceland Travel þungur í skauti“

Iceland Travel hefur lengi verið ein umsvifamesta ferðaskrifstofa landsins en nú gerir Icelandair Group nýja tilraun til að selja fyrirtækið. Í haust setti Alþingi það skilyrði fyrir lánveitingu sinni til Icelandair samsteypunnar að féð mætti aðeins nota í flugrekstur.

Ferðamenn við Námaskarð.

Icelandair gaf það út í byrjun vikunnar að ákveðið hefði verið að hefja söluferli ferðaskrifstofunnar Iceland Travel. „Þessi ákvörðun er í takt við stefnu Icelandair Group að leggja höfuðáherslu á kjarnastarfsemi félagsins, flugrekstur,“ segir í tilkynningu félagsins.

Þetta er sama skýring og gefin var í ársbyrjun 2019 þegar Icelandair boðaði sölu á Iceland Travel vegna áherslubreytinga í rekstri samsteypunnar. Rúmu einu ári fyrr hafði verið hætt við sameiningu Gray Line og Iceland Travel. Heimildir Túrista herma að í lok síðasta árs hafi átt sér stað söluviðræður við Kynnisferðir en þær hafi engu skilað.

Nú þegar heimsfaraldurinn hefur lamað ferðaþjónustu heimsins þá á að gera þriðju opinberu tilraunina til að koma Iceland Travel í verð.

Viðmælendur Túrista, í hópi forsvarsmanna íslenskra ferðaþjónustufyrirtækja, eru hugsi yfir tímasetningunni og líka verðmæti Iceland Travel.

Forstjóri Icelandair telur þetta þó góðan tíma til að hefja undirbúning að sölu Iceland Travel en ekki standi til að selja Vita, aðra ferðaskrifstofu í eigu samsteypunnar, enda sé rekstur hennar skilgreindur sem hluti af flugstarfsemi Icelandair Group.

Icelandair ætti einnig að selja Vita

„Við höfum borið virðingu fyrir Iceland Travel sem hefur verið með fullt af öflugu fólki og unnið mjög vel í gegnum tíðina. Á hinn bóginn hafa tengslin við Icelandair, og sú forgjöf sem þau hafa líklega veitt ferðaskrifstofunni, skekkt samkeppnisstöðuna. Það er því af hinu góða að Icelandair losi sig við rekstur Iceland Travel og ég hefði vilja sjá það sama með Vita,“ segir Sævar Skaptason, framkvæmdastjóri Bændaferða og Hey Iceland. 

Spurður hvort hann telji marga áhugasama um kaup á Iceland Travel þá svarar Sævar því til að hann geti lítið tjáð sig um hvort að þeir séu til staðar en kaupverðið muni örugglega endurspegla ástandið.

Ferðageirinn fagnar því ef Icelandair einbeitir sér að fluginu

„Verðmætin eru fyrst og fremst í vörumerkinu en það er búið að segja upp stórum hluta af starfsmönnum fyrirtækisins og því má setja spurningamerki við verðmæti þeirrar þekkingar sem er í fyrirtækinu i dag,“ segir Sævar.

„Ferðageirinn mun fagna því ef Icelandair einbeitir sér að sinni kjarnastarfsemi enda þurfum við á þeim að halda sem öflugu flugfélagi,“ bætir framkvæmdastjóri Bændaferða og Hey Iceland við.

Tveir mínusar verða ekki endilega plús

Sem fyrr segir hefur Icelandair gert tilraunir síðustu ár til að selja rekstur Iceland Travel. Annar viðmælandi Túrista, sem óskar nafnleyndar, rifjar upp að þegar stjórn Icelandair Group reyndi að koma ferðaskrifstofunni í verð árið 2019 þá hafi ekki margir áhugasamir kaupendur gefið sig fram.

„Rekstur Iceland Travel, án stuðnings Icelandair, yrði nýjum aðila þungur í skauti og umtalsverð áskorun. Nú eru framundan umtalsverðar áframhaldandi hagræðingaraðgerðir og ef horft er til sameininga þá þurfa tveir mínusar ekki endilega að verða að plús. Staðan nú er mögulega öðruvísi en í upphafi 2019. Menn geti hafist handa með hreinna borð en ella og ýmis kostnaður hefur lækkað eða horfið. Á sama tíma hafa tekjur orðið að engu,“ segir þessi ónefndi forsvarsmaður íslensks ferðaþjónustufyrirtækis.

Bogi Nils Bogason, forstjóri Icelandair Group, telur hins vegar tækifæri felast í sameiningum í íslenskum ferðageira.

„Það eru talsverðar breytingar að eiga sér stað í íslenskri ferðaþjónustu. Tækifæri til að sameina og hagræða og þar getur Iceland Travel spilað stórt hlutverk, segir Bogi.

Áhugi klárlega til staðar

Annar stjórnandi í greininni, sem einnig óskar nafnleyndar vegna smæðar íslenska markaðarins, segir að Iceland Travel sé í raun verðlaust eins og staðan er í dag vegna heimsfaraldursins en innan fyrirtækisins séu þó verðmæt viðskiptasambönd. „Áhugi á ferðaskrifstofunni er því klárlega til staðar enda á íslensk ferðaþjónusta sér bjarta framtíð,“ bætir viðkomandi við.

Hann segist telja að með sölunni sé Icelandair einfaldlega að reyna að sækja allt það lausafé sem félagið getur náð í við þessar aðstæður sem nú ríkja. En þegar Iceland Travel var boðið til sölu fyrir tveimur árum síðan mun verðmiðinn hafa hljóðað upp á 1,5 til 2 milljarða króna.

Mega ekki nota ríkislánið til stuðnings ferðaskrifstofurekstri samsteypunnar

Þegar Alþingi veitti samþykki sitt í haust fyrir 120 milljón dollara lánalínu til Icelandair (15,6 milljarðar kr.) þá var sett inn skilyrði um að féð mætti aðeins nota í flugrekstur. Þar með getur Icelandair ekki nýtt lánsupphæðina í annan samkeppnisrekstur, t.d. ferðaskrifstofur Icelandair samsteypunnar.

Það skilyrði gæti líka verið ein ástæða þess að Iceland Travel er nú sett á sölu segir einn þeirra sem Túristi ræddi við.

„Innan Icelandair Group sjá þau mögulega fram á það að þurfa að ganga á lánalínur ríkisins fyrr en seinna í ljósi þess hverjar horfurnar eru á mörkuðum. Þá er væntanlega betra að vera laus frá þeim bagga sem Iceland Travel hefur verið flugfélaginu þar sem eignarhaldið flækir eins og við vitum nýtingu Icelandair Group á því lánsfé sem ábyrgt er af ríkinu.“

Velta Iceland Travel lækkaði um þrjátíu prósent árið 2019 og nam þá 62 milljónum evra. Það jafngildir 9,3 milljörðum króna á meðalgengi ársins 2019. Hagnaðurinn var 194 milljónir króna eða 1,3 milljónir evra.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …