Samfélagsmiðlar

Samdrátturinn í Seattle álíka og hjá keppinautunum

Flug Icelandair til Bandaríkjanna hefur nærri eingöngu takmarkast við ferðir til Boston í heimsfaraldrinum. Síðastliðið sumar voru nokkrar ferðir til Seattle í boði og þá var rétt um þriðja hvert sæti um borð skipað farþegum.

Séð yfir Seattle.

Aðeins flugfélögin Delta, British Airways og Lufthansa voru umsvifameiri en Icelandair í Evrópuflugi frá bandarískum borginni Seattle árið 2019. Sú flugleið hefur líka lengi verið ein sú arðbærasta í leiðakerfi Icelandair.

Vegna ferðatakmarkanna við bandarísk landamæri hefur ekki verið hægt að halda úti almennu farþegaflugi þangað frá Evrópu síðustu misseri. Sú staðreynd endurspeglast í tölum flugvallarins við Seattle fyrir nýliðið ár. Þar sést að farþegum í Evrópuflugi, til og frá borginni, fækkaði um 83 prósent í fyrra.

Samdrátturinn hjá Icelandair var ögn meiri eða um 86 prósent. Samtals flutti íslenska félagið 22 þúsund farþega til og frá borginni en fjöldinn nam 155 þúsundum árið 2019. Þeir voru aðeins fleiri árið áður eða 161 þúsund og 156 þúsund árið 2017.

Í júlí og ágúst flaug Icelandair samtals fjórar ferðir héðan til Seattle og samtals nýttu 1464 farþegar sér þessar ferðir, báðar leiðir. Sætanýtingin var því aðeins þriðjungur.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …