Kyrrsetningu Boeing 737 MAX þotanna var aflétt í Evrópu í síðustu viku og vestanhafs eru þessar umtöluðu flugvélar farnar að flytja farþega á ný. Ekki liggur fyrir hvenær Icelandair tekur sínar MAX þotur í notkun flugmönnum félagsins var tilkynnt undir lok síðasta mánaðar að þjálfun á flugvélarnar myndi hefjast nú í febrúar eða mars.
Félagið auglýsti jafnframt lausar stöður flugstjóra á MAX þoturnar og samkvæmt upplýsingum frá Icelandair þá bárust fimmtán umsóknir. Ásdís Pétursdóttir, upplýsingafulltrúi flugfélagsins, segir þann fjölda vera í samræmi við væntingar.
Ekki hefur verið tekið ákvörðun um hversu MAX þotur verða í notkun hjá Icelandair í sumar né hversu margir flugmenn verða ráðnir á þessa flugvélategund. Í dag eru sjötíu flugmenn á launaskrá Icelandair.
Í flota flugfélagsins eru sex MAX þotur og mun Boeing afhenta þrjár til viðbótar á næstu mánuðum. Samtals hefur Icelandair skuldbundið sig til að taka við tólf MAX þotum.
