Samfélagsmiðlar

Góður gangur í hótelbókunum Íslendinga

Hjá tveimur stærstu hótelfyrirtækjum landsins eru vísbendingar um margir ætli sér að ferðast innanlands í sumar og fleiri horfa til Vestfjarða og Austfjarða en áður.

Herbergi á Icelandair hótelinu við Mývatn og til hægri Fosshótel við Jökulsárlón.

Íslendingar líkt og flestar aðrar þjóðir ferðuðust um eigið land síðastliðið sumar enda voru þá, líkt og nú, strangar sóttvarnaraðgerðir við flest landamæri.

Gistinóttum landans á íslenskum hótelum fjölgaði því umtalsvert yfir sumarmánuðina þrjá í fyrra. Þær voru samtals þrjú hundruð þúsund talsins en rétt 116 þúsund sumarið 2019.

Á Austurlandi var aukningin hlutfallslega mest en Suðurnesin voru eini landshlutinn þar sem íslenskum hótelgestum fækkaði milli ára eins og sjá má á súluritinu hér fyrir neðan.

Gildi þess að bóka snemma

Ennþá er óljóst hvernig ferðalögum milli landa verður háttað í sumar og margir eru farnir að huga að gistingu innanlands þær vikur sem flestir verða í fríi.

Hjá Icelandair hótelunum er til að mynda góður gangur í bókunum Íslendinga að sögn Hildar Ómarsdóttur, forstöðumanns þróunar- og markaðssviðs hótelkeðjunnar.

Hildur segir fólk hafa áttað sig á gildi þess að vera fyrr á ferðinni og bendir jafnframt á þau tilboð sem nú eru í boði. Fólki bjóðist til að mynda lægra verð gegn því að borga strax en geti þó afbókað og fengið endurgreitt ef það er gert með alla vega viku fyrirvara.

Fleiri bókanir á Vestifirði og Austfirði

Davíð Torfi Ólafsson, framkvæmdastjóri Íslandshótelanna, hefur sömu sögu að segja. Þar er töluvert um bókanir frá heimamönnum og vísar Davíð Torfi til þess að álagið hafi verið mikið í fyrra og því gott að að vera tímanlega í því núna.

„Við erum að sjá fleiri bókanir á jaðarsvæðin eins og Vestfirði og Austfirði. Svo eru vinsælustu hótelin alltaf Fosshótel Jökulsárlón, Stykkishólmi, Húsavík og Reykholti ásamt Mývatni,“ segir Davíð Torfi aðspurður um hvaða hótel njóti mesta vinsælda. Hann bætir því við að rólegra sé á hótelum fyrirtækisins í Reykjavík.

Hjá Íslandshótelunum er í dag að finna tilboð á gistingu og von er á sumartilboðum fljótlega.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …