Samfélagsmiðlar

Hvert hótel innan keðjunnar í eigið rekstrarfélag

Í tengslum við endurskipulagningu skulda eigenda Keahótelanna þá hafa verið stofnuð nokkur ný félög utan um eignarhaldið og reksturinn.

Hótel KEA á Akureyri.

Fjárfestingafélagið K Acquisitions ehf. var lýst gjaldþrota í síðasta mánuði en félagið fór fyrir öllu hlutafé í Keahótelunum. Þessi þriðja stærsta hótelkeðja landsins tilheyrir nú nýju eignarhaldsfélagi sem ber heitið Primehotels ehf. líkt og Túristi greindi frá.

Fyrrum eigendur K Acquisitions eiga 65 prósent hlut í nýja félaginu og Landsbankinn 35 prósent.

Til viðbótar við þessa breytingu þá hefur verið stofnað félag utan um rekstur einstakra hótela sem tilheyra keðjunni. Í fyrirtækjaskrá Skattsins er nú að finna félög eins og Apótek hótelrekstur ehf., Storm hótelrekstur ehf. og svo framvegis. Öll skráð þann 25. nóvember síðastliðinn.

Túristi hefur ekki fengið skýringar á þessari breytingu hjá forsvarsmönnum félagsins og hvort þær eru hluti af samkomulagi við eigendur fasteignanna sem hótelin eru rekin í. En samkvæmt fréttatilkynningu sem eigendur Keahótelanna sendu frá sér um miðjan desember sl. þá var samkomulag við leigusala hluti af endurskipulagningu allra skulda Keahótelanna.

Eigendur K Acquisitions lögðu „á þriðja hundrað milljónir króna“ til hótelkeðjunnar í tengslum við þessa endurskipulagningu.

Hið gjaldþrota K Acquisitions hef, var stofnað sumarið 2017 í tengslum við eigandaskipti Keahótelanna. Þá keypti bandaríska eignastýringarfyrirtækið Pt Capital Advisors helmings hlut í keðjunni en það fyrirtæki er stærsti eigandi símafyrirtækisins Nova.

Bandaríska fasteignafélagið JL Properties eignaðist á sama tíma fjórðungs hlut í Keahótelunum og íslenska fjárfestingarfélagið Tröllahvönn hélt eftir fjórðungi í hótelkeðjunni en átti áður 36 prósent.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …