Samfélagsmiðlar

Bætir samkeppnisstöðu innlendra ferðaskrifstofa

„Okkar kerfi hefur verið það mest íþyngjandi í Evrópu og það er búið að bölva því fyrirkomulagi lengi," segir Ásberg Jónsson, framkvæmdastjóri Nordic Visitor, einnar stærstu ferðaskrifstofu landins.

Ásberg Jónsson, eigandi og framkvæmdastjóri, Nordic Visitor, segir ekki víst að allar ferðaskrifstofur uppfylli þau skilyrði sem sett verða fyrir þátttöku í nýjum ferðatryggingasjóði.

Þegar ferðaskrifstofur hér á landi verða gjaldþrota þá er trygging viðkomandi hjá Ferðamálastofu nýtt til að endurgreiða ófarnar ferðir og fljúga strandaglópum heim. Bæði ferðaskrifstofur sem skipuleggja Íslandsferðir fyrir útlendinga og þær sem selja Íslendingum pakkaferðir eiga að vera með þess háttar tryggingu. Ef hún dugar ekki fyrir endurgreiðslum þá sitja neytendur eftir með sárt ennið.

Nú hefur ráðherra ferðamála hins vegar lagt fram frumvarp um stofnun sameiginlegs tryggingasjóðs sem tryggir allar endurgreiðslur til ferðamanna við gjaldþrot seljenda pakkaferða. Fyrirmyndin er sótt til Danmerkur og Noregs.

Kallar á aukið eftirlit

Ásberg Jónsson, framkvæmdastjóri og eigandi ferðaskrifstofunnar Nordic Visitor, er sáttur við þær breytingar sem framundan eru verði frumvarpið samþykkt.

„Heilt yfir þá eru þetta mjög góð vinna sem hefur verið unnin í ráðuneyti ferðamála og jákvæð skref sem þarna eru stigin, bæði fyrir neytendur og ferðaskrifstofur. Þetta kallar á strangara eftirlit að hendi Ferðamálastofu sem mun geta beitt alvöru refsiákvæðum og stöðvað ferðaskrifstofur sem ekki uppfylla ákvæða laganna,“ segir Ásberg.

Tryggingin ekki alltaf dugað

Hann bætir því við að neytendur verði betur tryggðir en í gamla kerfinu enda hafi það sýnt sig, við gjaldþrot ferðaskrifstofa síðustu ár, að viðskiptavinir þeirra hafa ekki alltaf notið nægrar verndar

„Á sama tíma bætir nýja kerfið samkeppnisstöðu innlendra ferðaskrifstofa í samkeppni við þær erlendu. Okkar kerfi hefur verið það mest íþyngjandi í Evrópu og það er búið að bölva því fyrirkomulagi lengi. Það gengur nefnilega út á að tryggja toppinn í rekstrinum og ferðaskrifstofur því þurft að vera með mikið fé bundið í tryggingu,” segir Ásbergi.

Kostnaðurinn við trygginguna lækkar

Hann nefnir sem dæmi að Nordic Visitor hafi verið með 750 milljón króna tryggingu undanfarin ár í gegnum tryggingafélag og það sé mjög dýrt.

„Tryggingar ferðaskrifstofa munu lækka verulega og kostnaðurinn við trygginguna líka. Í nýju kerfinu deilir markaðurinn hins vegar áhættunni líkt og gert í Noregi og Danmörku.”

Ásberg segir það hins vegar ekki víst að allir uppfylli þau skilyrði sem sett verða fyrir því að komast inn í kerfið, til dæmis ef reksturinn er mjög tæpur. Hann bendir þó á að þar sé horft til lengri tímabils en síðustu missera sem hafi litast af Covid-19 sem leikið hafi rekstur ferðaþjónustufyrirtækja grátt.

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …