Samfélagsmiðlar

Fjárfestar spenntir fyrir nýju flugfélagi

Þó hið norska Flyr hafi ekki selt einn einasta flugmiða þá fóru hlutabréfin í félaginu á markað í gær. Fyrsta viðskiptadaginn hækkuðu bréfin um nærri fimmtung. Íslandsflug er ekki hluti af viðskiptaáætlun Flyr.

Það eru ekki aðeins forráðamenn Play sem eru í startholunum með að hefja flugrekstur um leið og rofar til í ferðageiranum. Í Noregi er unnið að því að koma í loftið félagi sem kallast Flyr en fyrir því verkefni fyrir Eric Braathens sem er margreyndur í norrænum fluggeira. Með honum er fólk með langa reynslu, meðal annars frá SAS og Norwegian.

Flyr tryggði sér nýverið þær 600 milljónir norskra króna (um 9 milljarða ísl. kr.) sem þarf til rekstursins fyrstu þrjú árin að mati forráðamanna verkefnisins. Og þó félagið sé ekki ennþá komið með flugrekstrarleyfi eða farið að selja flugmiða þá hófust viðskipti með hlutabréf Flyr á Euronext Growth markaðnum í gær. Strax fyrsta daginn rauk gengi bréfanna upp um nærri fimmtung.

Af stað um mitt ár

Fjárfestar í Noregi virðast því bjartsýnir á framhaldið hjá Flyr en áformað er að jómfrúarferðin verði á dagskrá um mitt þetta ár. Fyrst um sinn eiga umsvifin að takmarkast að mestu við innanlandsflug í Noregi auk ferða frá Ósló til evrópskra áfangastaða líkt og fram kom á rafrænum blaðamannafundi sem Túristi sótti í ársbyrjun.

Forsvarsmenn Flyr hafa teiknað upp leiðakerfi félagsins til næstu ára og þar er ekki gert ráð fyrir neinu flugi til Íslands.

Nota eldri gerðir af flugvélum

Flugfloti norska félagsins mun aðeins samanstanda af eldri gerðum af Boeing 737 þotum. Til að byrja með átta eintök en allt að þrjátíu í heildina innan þriggja ára.

Ein helsta ástæðan fyrir því að Flyr veðjar á eldri þotur er sú að leiguverðið á þeim hefur helmingast í yfirstandandi heimsfaraldri að sögn aðstandanda félagsins. Ein skýring á lækkuninni er sú að flugfélög víða um heim hafa að undanförnu losað sig við eldri og eyðslufrekari flugvélar en halda eftir þeim sparneyttu.

Til samanburðar má rifja upp að Play hyggst nota nýlegar Airbus A321neo þotur í sinn rekstur.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …