Samfélagsmiðlar

MAX vélarnar munu nýtast betur í fraktflutninga en útlit var fyrir

„MAX þoturnar hafa þó marga kosti og þegar við erum búin að ná að læra betur inn á þær þá er ég viss um að þær nýtast betur en við héldum í fyrstu. Þannig var það með Boeing 757 vélarnar," segir framkvæmdastjóri Icelandair Cargo.

„MAX þoturnar eru allt öðruvísi en Boeing 757 sem hafa þjónað okkur svo vel í gegnum tíðina en eru á útleið á næstu árum,“ segir Gunnar Már Sigurfinnsson, framkvæmdastjóri Icelandair Cargo.

„Við erum að læra á nýju vélarnar og hvernig við getum náð hámarks nýtingu. Flugvélar eru öðruvísi en bílar að því leyti að þú getur hlaðið bílinn eins lengi og það er pláss. Í flugvélum þarftu aftur á móti að taka tillit til fleiri þátta við hleðslu eins og til dæmis jafnvægis þotunnar,” útskýrir Gunnar Már.

Hafa náð miklu út úr Boeing 757

Icelandair tók fyrstu MAX þoturnar í notkun fyrir sumarvertíðina 2018 en mars árið eftir voru þær kyrrsettar í kjölfar tveggja flugslysa. Það var svo ekki fyrr en tveimur árum síðar, í byrjun síðasta mánaðar, sem Icelandair hóf að fljúga MAX þotunum á ný. Starfsmenn Icelandair Cargo hafa því ekki fengið mikla reynslu af þessum nýju flugvélum.

„MAX þoturnar hafa þó marga kosti og þegar við erum búin að ná að læra betur inn á þær þá er ég viss um að þær nýtast betur en við héldum í fyrstu. Þannig var það með Boeing 757 vélarnar. Sú tegund á að geta flutt fjögur tonn af frakt en við höfum náð að fylla þær mun betur og flutt allt að 9,5 tonn í ferð. Það er held ég heimsmet enda er ótrúlegt hvað búið er að ná miklu út úr þeirri flugvél. Við erum líka með frábæra hlaðmenn sem spila stórt hlutverk í að ná hámarksnýtingu,” segir Gunnar Már.

Hann bendir á að Icelandair sé með tvær gerðir af MAX þotum, MAX 8 og MAX 9. Og í þeim síðarnefndu sé plássið í lestinni jafnmikið og í Boeing 757 þotunum sem fyrir eru í flota Icelandair.

Frábærar í farþegaflugið en ekki klár kostur fyrir fraktina

Haustið 2022 mun Icelandair Cargo taka við tveimur Boeing 767 breiðþotum sem mun gera fyrirtækinu kleift að flytja meiri frakt milli Evrópu og Bandaríkjanna og þá í gegnum Ísland. Áfram er þó ætlunin að nýta leiðakerfi Icelandair til að flytja frakt til og frá Íslandi.

Gunnar Már telur því víst að nýju þoturnar muni nýtast í fraktflutningum til að fylla upp í og vinna með stærri vélunum.

„MAX vélarnar hafa alla burði til að nýtast frábærlega í farþegakerfinu en ef ég á að vera alveg hreinskilinn þá hefði ég ekki valið þessar vélar ef aðeins ætti að hugsa um hagsmuni fraktarinnar,” segir Gunnar Már að lokum.

Þetta er annar hluti viðtals Túrista við framkvæmdastjóra Icelandair Cargo. Fyrsta hlutann má lesa hér.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …