Samfélagsmiðlar

Útflytjendur farnir að bóka fraktflug hjá Delta

Delta notast við Boeing 757 þotur í flugi sínu til Íslands. Það er sama flugvélatýpa og er uppistaðan í flota Icelandair.

Nú um helgina tekur bandaríska flugfélagið Delta upp þráðinn í Íslandsflugi sínu. Og það verða ekki aðeins bandarískir ferðamenn um borð heldur líka varningur frá íslenskum útflytjendum. Ennþá eru bandarísk landamæri hins vegar lokuð fyrir íslensku ferðafólki.

Það er flugfélagið Bláfugl sem hefur umsjón með sölu á fraktflugi Delta frá Keflavíkurflugvelli og segir Sveinn Zoega, sölustjóri Bláfugls, að útflytjendur hafi tekið vel í aukið fraktflug til Norður-Ameríku.

„Við höfum skynjað mikinn áhuga og eftirspurn eftir flugum vestur um haf. Bláfugl hóf að fljúga vikulega milli Íslands og Kanada í nóvember til að bregðast við þessari auknu eftirspurn.  Þau flug hafa verið vel bókuð hjá okkur og nú þegar Delta eru að hefja flug til Bandaríkjanna þá hafa útflytjendur tekið vel við sér.  Þegar er búið að bóka í fyrstu flugin og líkur á að þau verði nokkuð þétt bókuð,“ segir Sveinn.

Líkt og fram kom í viðtali Túrista við framkvæmdastjóra Icelandair Cargo þá hefur verð á fraktflutningum í flugi hækkað verulega í yfirstandandi heimsfaraldri.

Spurður um verðlagið hjá Delta þá bendir Sveinn á að það hafi hækkað talsvert á leiðinni frá Evrópu til N-Ameríku en minna í hina áttina.

„Innan Evrópu hefur verðið á sama tíma verið meira og minna óbreytt frá því fyrir Covid. Delta hefur ekki flogið milli Bandaríkjanna og Íslands í ca. 18 mánuði og mun verðlag taka mið af markaðsverðinu eins og það er í dag. Hins vegar búumst við ekki við að verð breytist að neinu ráði í nánustu framtíð m.v. núverandi markaðsverð,“ svarar Sveinn.

Sem fyrr segir þá byrjar Delta á því að fljúga hingað frá New York en síðar í maí hefjast daglegar áætlunarferðir frá Minneapolis og Boston. Sveinn segir að þar með aukist möguleikar útflytjenda en hann bendir á að tengiflug sé í boði fyrir fraktina um öll Bandaríkin.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …