Samfélagsmiðlar

Enginn skortur á ferðum til Tenerife

Íslendingar á leið til og frá Tenerife geta áfram valið á milli ferða á vegum nokkurra ferðaskrifstofa og flugfélaga.

Þotur Wow air flugu reglulega til Kanaríeyja og félagið var það umsvifamesta í Spánarflugi frá Íslandi. Norwegian tók svo við keflinu með áætlunarflugi héðan til fimm spænskra áfangastaða.

Þar á meðal til Tenerife og veturinn 2018-19 flutti félagið sex af hverjum tíu farþegum sem áttu leið þangað frá Keflavíkurflugvelli.

Nú hefur Norwegian hins vegar lokað starfsstöð sinni á Tenerife en það gat sem félagið skilur eftir sig á íslenska markaðnum er óðum að fyllast. Og það var vissulega viðbúið því áhugi Íslendinga á ferðum til spænsku eyjunnar er ennþá mikill.

Í dag eru til að mynda þrjár ferðaskrifstofur, Úrval-Útsýn, Heimsferðir og Aventura, með eigið leiguflug til Tenerife. Þær tvær fyrrnefndu bíða reyndar eftir úrskurði Samkeppnisyfirvalda því í lok síðasta árs var undirrituð viljayfirlýsing um kaup Ferðaskrifstofu Íslands, móðurfélags Úrval-Útsýnar, á Heimsferðum.

Við framboð ferðaskrifstofanna þriggja bætist svo nýtt áætlunarflug Icelandair til Tenerife. Systurfélag flugfélagsins, ferðaskrifstofan Vita, selur af þeim sökum ekki lengur staka flugmiða til spænsku eyjunnar heldur aðeins hefðbundnar pakkaferðir.

Neytendur fá svo bráðlega enn fleiri valkosti því Play setur líka stefnuna á áætlunarflug til Tenerife líkt og fram kom í viðtali Víglínunnar á Stöð 2 við Birgi Jónsson, forstjóra Play, sl. sunnudag.

Þannig að þrátt fyrir brotthvarf Wow og síðar Norwegian þá verða flugsamgöngurnar milli Íslands og Tenerife áfram tíðar.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …