Samfélagsmiðlar

Play fylgir sömu línu og Icelandair í verðlagningu

Það eru ekki allir farþegar á Keflavíkurflugvelli búnir að ákveða hvenær þeir koma heim aftur. Íslensku flugfélögin rukka þann hóp um töluvert viðbótarálag eins og sjá má á töflunni hér fyrir neðan.

Hjá lágfargjaldaflugfélögum skiptir það almennt ekki máli hvort þú bókar farmiða aðra leiðina eða báðar. Verðið er það sama hvort sem heimferðin er keypt með eða ekki. Mörg hefðbundin flugfélög hafa fylgt þessu fordæmi og fellt niður viðbótarálag á staka farmiða. Það hefur Icelandair ekki gert og Play hefur valið að fara sömu leið og íslenski keppinauturinn.

Þar með verður dýrara að kaupa stakan farmiða af íslensku flugfélögunum en þeim erlendu eins og sjá má á töflunni hér fyrir neðan. Þar er horft til þeirra dagsetninga sem Play flýgur í fyrsta sinn til London, Kaupmannahafnar og Barcelona.

Í öllum tilvikum rukka lággjaldaflugfélögin easyJet, Wizz Air og Vueling það sama fyrir sætið frá Keflavíkurflugvelli hvort sem heimferðin er bókuð með eða ekki.

British Airways og SAS, sem teljast til hefðbundinna flugfélaga, leggja aðeins ofan á staka farmiða en þó mun minna hlutfallslega en Icelandair og Play.

Í sumum tilfellum er munurinn hjá Icelandair reyndar það mikill að farþegar geta sparað sér þúsundir króna með því að kaupa farmiða sem gildir báðar leiðir jafnvel þó ætlunin sé aðeins að nota fyrri legginn.

Spurður um ástæður þess að Play fari ekki sömu leið og stóru lágfargjaldaflugfélögin, í verðlagningu á stökum farmiðum, þá segir Birgir Jónsson, forstjóri Play, þetta sé sú nálgun sem valin hafi verið eftir greiningu á tekjustýringu keppinautanna. Hann segir þetta þó geta breyst og þróast í takt við það hvernig samkeppnin breytist.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …