Samfélagsmiðlar

Gerir ráð fyrir „einstefnu“ í Ameríkuflugi út sumarið

Í dag halda þrjú flugfélög uppi flugi milli Íslands og New York. Aðeins bólusettir íbúar Bandaríkjanna geta nýtt sér þessar ferðir. Og ekki er breytinga að vænta á því fyrr en í haust að mati forstjóra Delta flugfélagsins.

Þotur Delta flugfélagsins fljúga nú til Íslands daglega frá þremur bandarískum borgum og hafa umsvif félagsins á Keflavíkurflugvelli aldrei verið meiri.

Það sama verður ekki sagt um Evrópuflugið almennt því tekjur Delta af því drógust saman um 85 prósent á öðrum ársfjórðungi í samanburði við sama tímabil árið 2019.

Skýringin á þessu hruni liggur fyrst og fremst í þeirri staðreynd að ennþá er útlendingum bannað að heimsækja Bandaríkin. Aftur á móti hefur fjöldi Evrópuríkja, þar á meðal Ísland, opnað sín landamæri gagnvart bólusettum Bandaríkjamönnum.

Það ríkir í raun „einstefna“ í flugi milli Norður-Ameríku og Evrópu segir Ed Bastian, forstjóri Delta, í viðtali við Financial Times í dag í tengslum við uppgjör félagsins fyrir annan ársfjórðung sem birt var í gær.

Bastian forstjóri gerir ráð fyrir að Evrópubúum verði í fyrsta lagi hleypt til Bandaríkjanna á nýjan leik nú í haust. Aftur á móti gæti orðið árs bið í að markaðurinn fyrir flug milli Asíu og Bandaríkjanna opnist að hans mati.

Stór hluti af umsvifa Icelandair snúa að farþegum á leið milli Norður-Ameríku og Evrópu. Það skiptir því gríðarlegu máli fyrir það félag að samgöngur milli heimsálfanna verði á ný með eðlilegri hætti en nú er.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …