Samfélagsmiðlar

Hlutur bandaríska lánasjóðsins er skráður á Írlandi

Stærsti hluthafi Icelandair ætlar að hasla sér völl í fjármögnun og útleigu á farþegaþotum.

Icelandair Group hyggst bæta tveimur Boeing MAX þotum við flota sinn fljótlega.

Hluthafar Icelandair Group samþykktu í lok síðustu viku að auka hlutafé í samsteypunni og hleypa þannig Bain Capital inn í eigendahópinn. Bandaríska fjárfestingafélagið eignast 16,6 prósent hlut og er því langstærsti hluthafinn.

Starfsemi Bain Capital skiptist niður á nokkur ólík svið og þar á meðal er lánasjóðurinn Bain Capital Credit og fjárfestingasjóðurinn Bain Capital Private Equity. Í eignasafni þess síðarnefnda er til að mynda ástralska flugfélagið Virgin Australia.

Hluturinn í Icelandair mun aftur á móti heyra undir Bain Capital Credit. Þetta staðfestir talsmaður sjóðsins í skriflegu svari til Túrista. Eignarhaldið er í gegnum írskt dótturfélag sem sett var á laggirnar fyrir aðeins tveimur mánuðum síðan.

Spurður út í það atriði þá segir talsmaðurinn að teymið sem haldi utan um fjárfestinguna í Icelandair sé í Norður-Ameríku en ekki sé óalgengt að eignarhald fjárfestinga Bain Capital sé annars staðar.

Eiga nú þegar tvær af flugvélum Icelandair

Meðal verkefna í fluggeiranum sem Bain Capital lánasjóðurinn hefur nýlega komið að er Titan Aviation Holdings. Það fyrirtæki sérhæfir sig í fjármögnun og útleigu á fraktflugvélum. Og það var einmitt í gegnum Titan Aviation sem kynni Bain Capital Credit að Icelandair hófust. Því í mars síðastliðnum var gengið frá kaupum Titan Aviation á tveimur breiðþotum Icelandair.

Ætlunin er að breyta flugvélunum í fraktvélar og mun Icelandair Cargo leigja þær tilbaka.

Sjá tækifæri í útleigu á farþegaþotum

Bain Capital Credit sér líka tækifæri í að leigja út farþegaþotur og í janúar í fyrra, stuttu fyrir Covid-19, kom lánasjóðurinn að stofnun flugvélaleigu með eignastýringafyrirtækinu Griffin. Þar er hugsunin sú að Bain Capital Credit sjái um fjármögnun flugvélaviðskipta fyrir flugfélög.

Hvort næstu flugvélaviðskipti Icelandair eigi eftir að fara í gegnum þá flugvélaleigu á tíminn svo eftir að leiða í ljós. Aðrir hluthafar í Icelandair samsteypunni vilja þó væntanlega ganga úr skugga um að þar séu engir hagsmunaárekstrar.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …