Samfélagsmiðlar

Eigendur Keahótelanna með stóran hlut í Kaldalóni

Jonathan Rubini er einn stærsti hluthafinn í Keahótelunum sem leigir Storm hótelið af Kaldalóni. Hann verður nú einn stærsti hluthafinn í fasteignafélaginu ásamt fleiri hluthöfum í hótelkeðjunni.

Nú hefur verið gengið endanlega frá kaupum fasteignafélagsins Kaldalón á öllu hlutafé í Hvannar ehf. Þetta kemur fram í kauphallartilkynningu. Helsta Hvannar er fasteignin sem hýsir Storm hótel við Þórunnartún 4 í Reykjavík.

Kaupverðið er greitt með útgáfu nýrra hluta í Kaldalóni sem nemur um sex prósent hlut í fasteignafélaginu samkvæmt útreikningum Túrista. Seljendur Hvannar eru nokkrir af eigendum Keahótelanna en Storm hótelið heyrir undir þessa þriðju stærstu hótelkeðju landsins.

Samhliða þessum viðskiptum þá kaupir félag í eigu Bandaríkjamannsins Jonathan Rubini 5,17 prósent hlut í Kaldalóni. En Rubini er stjórnarformaður móðurfélags Keahótelanna og einn stærsti eigandi fyrirtækisins á eftir Landsbankanum sem á 35 prósent í hótelkeðjunni.

Samanlagt fara þá eigendur Keahótelanna með rúmlega 11 prósent hlut í Kaldalóni eftir viðskiptin með Storm hótelið og aðkomu Rubini.

Storm hótelið er ekki eina hótelið sem Kaldalón hefur keypt í sumar. Þannig bættist Sand hótel við Laugaveg við eignasafn fasteignafélagsins í sumar en það er líka í rekstri hjá Keahótelunum.

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …