Samfélagsmiðlar

Eina landið innan EES sem veitir bólusettum ekki undanþágu

Það er orðið einfaldara að ferðast innan Evrópu frá því sem var í sumarbyrjun.

Þeir sem ferðast innan Schengen- og EES-svæðisins í dag þurfa ekki að fara í Covid-próf í tengslum við ferðalagið svo lengi sem þeir eru bólusettir. Nema ef ferðinni er heitið til Íslands.

Allir þeir sem ferðast til Íslands verða að sýna fram á neikvæða niðurstöðu úr Covid-19 prófi við komuna. Í dag gerir ekkert annað ríki innan EES- eða Scengensvæðisins kröfu um slík vottorð frá fullbólusettum íbúum annarra aðildarríkja. Þetta sýnir samanburður Túrista sem byggir á upplýsingum af vefsvæðum erlendra stjórnvalda og upplýsingasíðu ESB.

Reglur landanna eru mismunandi eftir því hvort um er að ræða óbólusetta eða bólusetta ferðamenn en eins og staðan er í dag sleppa þeir sem tilheyra seinni hópnum við bæði sóttkví og Covid-próf geti þeir framvísað bólusetningarvottorði, t.d. kórónuveirupassa ESB, við komuna.

Spurður út í sérstöðu Íslands þó segir Þórólfur Guðnason, sóttvarnarlæknir, að hann viti það ekki fyrir víst hvort ekkert annað land innan Schengen krefjist neikvæðs prófs fyrir Covid-19.

„Þessar kröfur hafa verið breytilegar síðustu vikur og mánuði en það sem er víst er að kröfur á landamærum eru mjög mismunandi milli landa. Við byggjum okkar aðgerðir á landamærunum á þeirri reynslu sem við höfum fengið undanfarna mánuði með víðtækri skimun, smitrakningu og raðgreiningu. Þannig höfum við sýnt fram á að bólusettir einstaklingar sem hingað koma geta borið með sér veiruna og sett af stað útbreidda sýkingu innanlands. Þannig tel ég rétt að krefja áfram farþega sem hingað koma um neikvætt PCR/hraðpróf til að lágmarka flutning veirunnar hingað til lands. Fá önnur lönd hafa skoðað þetta eins vel og við. Einkum vegna þess að fá lönd raðgreina eins mikið og við gerum,“ segir Þórólfur.

Líkt og sjá má á töflunni hér fyrir neðan er víða ætlast til þess að fólk forskrái sig fyrir ferðalag og sú regla gildir einnig hér á landi. Til viðbótar verða svo þeir sem eru með tengsl við Ísland að fara í aðra sýnatöku ekki síðar en tveimur dögum eftir komuna til landsins. Bólusettir íbúar annarra ríkja Schengensvæðisins þurfa ekki í þess háttar próf.

Á Bretlandi, sem er ekki hluti af Schengen, er reyndar gerð krafa um að þeir sem ferðast til landsins taki Covid-próf í síðasta lagi tveimur sólarhringum eftir komuna og framvísi líka prófi að heiman landamærin,

Uppfært: Í upprunalegri útgáfu fréttarinnar var sagt að aðeins þyrfti að taka próf í Bretlandi eftir komuna. Það er ekki rétt.

Nýtt efni

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …

Megn óánægja er meðal starfsmanna skemmtigarðsins Disneyland í Kaliforníu í Bandaríkjunum og hóta þeir nú verkfalli í fyrsta skipti frá árinu 1984. Kjaraviðræður sem staðið hafa síðan í apríl hafa engum árangri skilað. Ef af verður munu 14 þúsund starfsmenn skemmtigarðsins leggja niður störf samkvæmt frétt CNN en 99 prósent þeirra hafa samþykkt verkfallsaðgerðir. Til …