Samfélagsmiðlar

Ekki í kortunum að bæta við borgum í Kanada

Boeing 757 þota Icelandair á flugvellinum í Vancouver.

Fullbólusettir ferðamenn fá nú ferðast til Kanada en landamæri landsins hafa í raun verið lokuð frá því í mars í fyrra þegar kórónuveirufaraldurinn hófst. Af þeim sökum hafa ferðir Icelandair til Kanada legið niðri síðustu misseri en félagið tók þó upp þráðinn í flugi sínu til Toronto í byrjun ágúst.

Boeing MAX þotur voru nýttar í fyrstu ferðirnar en síðustu daga hefur félagið sent breiðþotur til Toronto enda batnaði bókunarstaðan í ferðirnar til þessarar fjölmennustu borgar Kanada við tíðindin af opnun landamæranna líkt og fram kom hér á síðunni fyrr í vikunni.

Það er þó ekki á dagskrá hjá Icelandair að bæta við áfangastöðum í Kanada en þegar mest lét flaug félagið til fimm kanadískra borga.

„Við fylgjumst vel með eftirspurninni og erum alltaf að vega og meta áfangastaði. Á þessum tímapunkti erum við ekki með plön um að bæta Vancouver við vetraráætlun okkar,“ segir Guðni Sigurðsson, upplýsingafulltrúi Icelandair, í svari til Túrista. Félagið horfir ekki heldur til þess að setja í gang ferðir til Montreal og Edmonton.

Til Montreal hefur Icelandair aldrei flogið yfir vetrarmánuðina en Wow Air náði hins vegar að fljúga þangað nokkra vetur.

Líkt og Túristi hefur áður fjallað um þá gæti farið svo að fjögur flugfélög fljúgi milli Íslands og Toronto næsta sumar. Því Air Canada hefur þegar sett í sölu sínar ferðir til Íslands frá borginni og eins var Toronto hluti af því leiðakerfi sem stofnendur Play kynntu á sínum tíma. Fjórða félagið gæti svo orðið Westjet en þetta kanadíska lágfargjaldaflugfélag hefur síðustu tvö ár fengið úthlutaða lendingartíma á Keflavíkurflugvelli sem hafa þó ekki verið nýttir.

Nýtt efni

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …

Megn óánægja er meðal starfsmanna skemmtigarðsins Disneyland í Kaliforníu í Bandaríkjunum og hóta þeir nú verkfalli í fyrsta skipti frá árinu 1984. Kjaraviðræður sem staðið hafa síðan í apríl hafa engum árangri skilað. Ef af verður munu 14 þúsund starfsmenn skemmtigarðsins leggja niður störf samkvæmt frétt CNN en 99 prósent þeirra hafa samþykkt verkfallsaðgerðir. Til …