Samfélagsmiðlar

Hótelherbergin á Austurlandi betur nýtt en þegar ferðamenn voru flestir

Herbergi á Fosshótel Austfjörðum Fáskrúðsfirði.

Heimamarkaðurinn vegur í dag mun þyngra hjá íslenskum hótelum en fyrir heimsfaraldur. Sú staða og ekki síður blíðviðrið fyrir norðan og austan í sumar endurspeglast gistináttatölum Hagstofunnar fyrir júlí.

Nýtingin á hótelherbergjum á Austurlandi var nefnilega 82 prósent sem er hærra hlutfall en í júlí 2018 þegar fjöldi erlendra ferðamanna hér á landi var mestur. Og þess ber að geta að tölur Hagstofunnar byggja gögnum frá jafn mörgum hótelum úr fjórðungnum. Hærri nýting skrifast því ekki á minna framboð.

Skiptingin á milli íslenskra og erlendra gesta breyttist hins vegar umtalsvert. Í júlí fyrir þremur árum síðan keyptu Íslendingar aðeins um tvö þúsund hótelnætur á Austurlandi en núna voru þær ríflega sex sinnum fleiri. Erlendar gistinætur fór á sama tíma úr 17 þúsund niður í 8 þúsund.

Á Norðurlandi var herbergjanýtingin er líka betri en metárið 2018. Fyrir norðan skrifast betri niðurstaða einnig á miklu fleiri íslenska gesti en áður.

Í höfuðborginni er staðan önnur. Þar voru um fimmtungi færri hótel opin í júlí en á sama tíma í hittifyrra. Og þrátt fyrir þann samdrátt í framboði þá var nýtingin umtalsvert frá því sem var fyrir heimsfaraldur eins og sjá má hér fyrir neðan.

Framboðið á Suðurnesjum, Suðurlandi og Vesturlandi og Vestfjörðum var líka nærri það sama og fyrr en samt féll herbergjanýtingin töluvert.

Þess ber að geta að verðlag á hótelum kemur ekki fram í tölum Hagstofunnar en tilboð frá hótelum hafa verið mun tíðari nú en var hér áður fyrr. Það má því búast við að tekjur á hvert herbergi hafi verið lægri núna en áður.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …