Samfélagsmiðlar

Erlendu flugfélögin með sömu hlutdeild og eftir fall Wow Air

Hið bandaríska United var fimmta umsvifamesta flugfélagið á Keflavíkurflugvelli í ágúst.

Það voru farnar rétt um fimmtán hundruð áætlunarferðir frá Keflavíkurflugvelli í ágúst. Það er um þrefalt fleiri ferðir en á sama tíma í fyrra. Þegar horft er til ágúst 2019, þegar umferðin var í eðlilegum horfum, nemur samdrátturinn um fjörutíu prósentum samkvæmt daglegum talningum Túrista á flugumferð.

Sem fyrr er Icelandair það flugfélag sem stendur fyrir langflestum brottförum frá Keflavíkurflugvelli eða 57 af hverjum eitt hundrað. Vægi Play var aftur á móti 6,6 prósent.

Erlendu flugfélögin voru því samanlagt með um þriðju hverju ferð frá landinu. Það er nærri saman hlutfall og sumarið eftir fall Wow Air árið 2019. Sumrin þar á undan hafði vægi þeirra erlendu verið nokkru minni eins og sjá má á grafinu.

Ágúst í fyrra var auðvitað sérkennilegur mánuður því þá var flugáætlun Icelandair mjög takmörkuð. Sem dæmi má nefna að í þeim mánuði var fjöldi ferða á vegum Wizz Air um helmingur af framboðinu hjá Icelandair. Í nýliðnum ágúst flugu þotur Icelandair aftur á móti um sjö sinnum oftar til og frá landinu en þotur Wizz Air.

Nýtt efni

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …