Þó veltan með hlutabréf Play sé ekki ýkja mikil í Kauphöllinni þá tók listi yfir tuttugu stærstu hluthafa flugfélagsins þónokkrum breytingum seinni hlutann í ágúst.
Þetta sýnir samanburður á hlutabréfalistanum sem birtur er á heimasíðu Play og hins vegar nýjum lista sem Túristi hefur aðgang að og nær til 31. ágúst.
Opinberi listinn nær eingöngu til 12. ágúst og samkvæmt honum voru þá voru þrír sjóðir í vörslu verðbréfafyrirtækisins Akta skráðir fyrir samtals 12,41 prósenti í flugfélaginu. Um síðustu mánaðamót var hluturinn kominn upp í 13,45 prósent.
Viðbótin nemur rúmlega sjö milljón hlutum sem er um helmingur allrar veltu með bréf Play í Kauphöllinni frá 12. ágúst og fram til 31. ágúst.
Tvö ný nöfn eru komust svo á lista yfir tuttugu stærstu hluthafa Play nú í lok ágúst. Annars vegar Alva Capital með 1,39 prósent og hins vegar Kvika banki með 1,32 prósent. Eigandi Alva Capital er Skorri Rafn Rafnsson, fyrrum stjórnarformaður Netgíró. En hann seldi Kviku banka 80 prósent hlut Alva Capital í Netgíró í ársbyrjun.