Samfélagsmiðlar

Erlendu flugfélögin fækka sætunum til Íslands um tugi þúsunda næstu vikur

Þotur erlendra flugfélaga munu ekki fljúga eins títt til Íslands næstu vikur og þær hafa gert að undanförnu.

Þegar sumarvertíðinni lýkur þá dregur úr flugi erlendra flugfélaga til Íslands. Þessi árstíðarsveifla verður þó ennþá meiri að þessu sinni miðað við þær áætlanir sem núna eru uppi.

Þær gera nefnilega ráð fyrir um þriðjungi færri ferðum til Íslands á vegum erlendra flugfélaga nú í október í samanburði við október 2019 samkvæmt talningum Túrista. Það þýðir að ferðirnar fara úr átján ferðum í dag niður í tólf. Framboð á flugi til Íslands nú í október dregst þar með saman um 32 til 35 þúsund sæti.

Ef niðursveiflan í október hefði verið í takt við það sem var nú í september þá hefði samdrátturinn verið helmingi minni. Árstíðarsveiflan er því töluvert meiri en var fyrir heimsfaraldur.

Hver staðan verður í nóvember og desember er ennþá of snemmt að segja til. Þannig hafa athuganir Túrista sýnt að flugfélög eru ennþá að gera breytingar á áætlunum sínum. Síðustu daga hefur SAS til að mynda fellt niður allt flug til Íslands frá Ósló fyrri helminginn í nóvember.

Það er líka áberandi að í dag eru sum flugfélög með í sölu mun fleiri ferðir til Íslands í desember en í nóvember. Í sumum tilvikum er munurinn allt að helmingur. Það er óvenjulega mikill munur og um leið vísbending um að áætlanir fyrir desember verði fljótlega skornar niður.

Nýtt efni

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …

Það fóru 212 þúsund farþegar með erlend vegabréf í gegnum vopnaleitinni á Keflavíkurflugvelli í júní en þessi talning er notuð til að leggja mat á fjölda ferðamanna hér á landi. Í júní í fyrra var þessi hópur 20 þúsund farþegum fjölmennari og miðað við aukið flugframboð á milli ára þá mátti gera ráð fyrir viðbót …