Samfélagsmiðlar

Arion banki selur loks í Danmörku

Danska ferðaskrifstofan Bravo Tours var stofnuð árið 1998.

Allt frá því að Arion banki tók yfir ferðaskrifstofuveldi Andra Más Ingólfssonar þá hefur það verið yfirlýst markmið að selja fyrirtækin. Nú rúmum tveimur árum síðar er bankinn ekki lengur með rekstur erlendra ferðaskrifstofa á sínum snærum.

Sala á sextíu prósent hlut Arion banka í dönsku ferðaskrifstofunni Bravo Tours hefur nefnilega gengið í gegn samkvæmt upplýsingum frá bankanum. Kaupendurnir eru þeir dönsku fjárfestar sem hafa síðastliðið ár farið með fjörutíu prósent hlut í ferðaskrifstofunni á móti íslenska bankanum. Kaupverðið er trúnaðarmál.

Bravo Tours var stærsta ferðaskrifstofan innan Primera samsteypunnar Andri Már stofnaði og rak fram á sumarið 2019. Í raun var þó um að ræða nýtt fyrirtæki því það upprunalega fór í þrot í fyrra. Arion og meðeigendur bankans keyptu vörumerki Bravo tours og fleiri eignir út úr þrotabúinu líkt og Túristi hefur áður fjallað um.

Eftir söluna á Bravo Tours í Danmörku þá eru Heimsferðir eina ferðaskrifstofan sem Arion banka heldur eftir af þeim sem tilheyrði Primera samsteypunni á sínum tíma. Skrifað var undir kaupsamning á þeim rekstri í lok síðasta árs og mun bankinn fá 27 prósent eignahlut í sameinuðu félagi Heimsferða og Ferðaskrifstofu Íslands. Þessi viðskipti eru þó háð samþykki Samkeppniseftirlitsins en þar hefur málið verið til skoðunar síðastliðið ár.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …