Samfélagsmiðlar

Aukið samstarf við JetBlue í Evrópuflugi

Robin Hayes, forstjóri JetBlue og Bogi Nils Bogason, forstjóri Icelandair.

Icelandair og bandaríska flugfélagið JetBlue hafa aukið samstarf sitt um tengingar á milli leiðakerfa félaganna í Evrópu og Norður-Ameríku. Með samstarfinu geta viðskiptavinir keypt flug með tengingum inn í leiðarkerfi beggja félaga á einum miða og innritað farangur alla leið frá upphafsflugvelli samkvæmt því sem segir í fréttatilkynningu.

Hingað til hefur flug Icelandair til New York og Boston einnig verið merkt JetBlue og nú mun það einnig eiga um ferðir íslenska félagsins til nokkurra evrópskra staða, þar á meðal Amsterdam, Stokkhólms, Kaupmannahafnar og Glasgow.

Þessi nýjung er viðbót við samstarf sem hófst árið 2011 og hefur þróast í gegnum tíðina en farþegar Icelandair hafa aðgang að tengiflugi með JetBlue til fjölda áfangastaða í viðamiklu leiðakerfi félagsins. Meginbreytingin núna felst í því að viðskiptavinir JetBlue fá aðgang að fleiri ferðamöguleikum til Evrópu um Keflavíkurflugvöll.

„Við erum mjög ánægð með að útvíkka samstarfið við Icelandair og geta þannig boðið viðskiptavinum okkar fleiri kosti þegar þeir ferðast áfram til Evrópu um Ísland. Nýlega bættum við London Heathrow og London Gatwick við leiðakerfið okkar. Þetta aukna samstarf við Icelandair eykur enn möguleikana á flugi yfir Atlantshafið og gefur farþegum okkar tækifæri til að tengja eða stoppa á Íslandi á leið sinni til Evrópu,“ segir Robin Hayes, forstjóri JetBlue, í tilkynningu.

Þar er haft eftir Boga Nils Bogasyni, forstjóra Icelandair, að JetBlue og Icelandair séu um margt lík félög og geti boðið viðskiptavinum sambærilega upplifun alla leið á áfangastað.

Þess má geta að JetBlue hóf fyrr á þessu ári áætlunarflug til Evrópu, nánar tiltekið til London og ætlunin er að þotur félagsins muni einnig fljúga til Glasgow og Manchester frá og með næsta sumri.

Nýtt efni

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …

Það fóru 212 þúsund farþegar með erlend vegabréf í gegnum vopnaleitinni á Keflavíkurflugvelli í júní en þessi talning er notuð til að leggja mat á fjölda ferðamanna hér á landi. Í júní í fyrra var þessi hópur 20 þúsund farþegum fjölmennari og miðað við aukið flugframboð á milli ára þá mátti gera ráð fyrir viðbót …