Samfélagsmiðlar

Play í fyrsta sinn með fleiri farþega en Icelandair félögin

Nærri átta af hverjum tíu sem flýgur héðan til Alicante og Tenerife situr í þotum Icelandair og Play.

Frá Alicante.

Það búa hátt í þrjár milljónir manna í innan við klukkutíma akstursfjarlægð frá flugvellinum í Alicante og þegar Ameríkuflug Play hefst næsta sumar geta íbúa Alicante og nágrennis keypt flugmiða með íslenska flugfélaginu til Bandaríkjanna með millilendingu á Keflavíkurflugvelli.

Icelandair býður ekki upp á sömu þjónustu því ferðir félagsins til Alicante þangað takmarkast við leiguflug fyrir systurfélagið Vita. Spánverjarnir á leið til Íslands eða N-Ameríku finna því ekki þessar ferðir í bókunarvél Icelandair.

Þessa dagana má þó gera ráð fyrir að það séu nær eingöngu Íslendingar á leið til Alicante og nágrennis sem nýta sér ferðir félaganna Play og Icelandair til Spánar. Og nú í október gerðist það í fyrsta sinn að Play flutti fleiri farþega til spænsku borgarinnar en Icelandair.

Farþegar Play voru 2.919 en Vita seldi 2.801 sæti í leiguflug sitt með Icelandair samkvæmt tölum frá spænskum flugmálayfirvöldum. Það skal þó tekið fram að ferðir Play voru 18 á meðan Vita og Icelandair fóru 14 ferðir.

Þegar kemur að flugi til Tenerife þá er Icelandair mun stórtækara en Play, bæði í ferðum talið og farþegum. Ferðir Icelandair, til og frá eyjunni, voru 44 talsins á meðan Play fór 18 ferðir samkvæmt talningum Túrista. Farþegahópur Icelandair var ríflega tvöfalt fjölmennari og taldi nærri sjö þúsund farþega en hafa ber í huga að hver einstaklingur er talinn bæði þegar hann kemur til flugvallar og eins þegar hann flýgur þaðan.

Icelandair og Play eru þó ekki ein um að halda úti reglulegu flugi til Tenerife og Alicante því það gera Heimsferðir og Ferðaskrifstofa Íslands líka en Úrval-Útsýn, Sumarferðir og Plúsferðir heyra undir þá síðarnefndu. Hlutdeild ferðaskrifstofanna á markaðnum er hinsvegar rétt um fimmtungur því flugfélögin tvö fluttu um átta af hverjum tíu farþegum frá Íslandi til Alicante og Tenerife í október.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …