Samfélagsmiðlar

Meiri eftirspurn eftir hlutabréfum en flugmiðum

Nú í heimsfaraldrinum hafa tvö ný norsk lágfargjaldaflugfélög litið dagsins ljós. Annað þeirra er Flyr sem hóf áætlunarflug í lok júní sl. en hefur síðan þá félagið flogið hálftómum Boeing þotum. Það hefur því gengið verulega á þá níu milljarða króna (600 millj. norskar) sem söfnuðust í hlutafjárútboði félagsins í febrúar í fyrra.

Af þeim sökum var gefið út nýtt hlutafé upp á tæpa fjóra milljarða króna (250 millj. norskar) nú í ársbyrjun.

Útboðsgengið að var 1 norsk króna á hlut en til samanburðar var gengið fimm sinnum hærra í útboðinu í febrúar í fyrra. Síðan þá hefur það lækkað um sextíu af hundraði.

Þrátt fyrir taprekstur og lækkandi gengi þá var umframeftirspurn eftir nýjum hlutabréfum í Flyr. Fjárfestar skráðu sig nefnilega fyrir 43 prósentum fleiri hlutum en í boði voru samkvæmt tilkynningu frá norska flugfélaginu.

Það var reyndar búið að tryggja sölu á öllu nýja hlutafénu og það lá því fyrir að Flyr myndi afla þess fjár sem stjórnendur þess telja að dugi til rekstrarins fram á næsta ár í það minnsta. Ef það á að ganga eftir þarf svokallaður fjármagsbruni að minnka umtalsvert. Því samkvæmt útboðsgögnum Flyr þá streymdu að jafnaði 750 milljónir króna á mánuði út úr sjóðum félagsins á síðasta fjórðungi síðasta árs. Ef takturinn verður sambærilegur áfram þá dugar nýr sjóður Flyr aðeins fram á sumarið eins og bent er á í frétt norska viðskiptamiðilsins E24.

Í flota Flyr í dag eru fimm eldri Boeing 737 þotur og sú sjötta bætist við í byrjun næsta mánaðar. Auk þess hefur félagið leigt sex nýjar Boeing 737 Max þotur og stefnt er að því að taka þær fyrstu í notkun fyrir næstu sumarvertíð.

Til samanburðar þá er stefnt að því að sex þotur verði í flota Play næsta sumar en félagið hefur ennþá ekki tilkynnt um leigusamning á sjöttu flugvélinni.

Nýtt efni

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …