Gistinætur útlendinga á íslenskum hótelum voru um 156 þúsund í desember í fyrra sem er samdráttur um 43 prósent frá desember árið 2019.
Fækkunin nemur 119 þúsund gistinóttum og þar af má rekja um þrjár af hverjum tíu nóttum sem upp vantar til fækkunar kínverskra hótelgesta hér á landi.
Samdrátturinn var næstmestur hjá Bretu og svo Bandaríkjamönnum eins og sjá má á töflunni hér fyrir neðan.
Hópur Asíulanda sem ekki eru flokkuð sérstaklega í tölum Hagstofunnar koma þar á eftir og síðan Japan. Skýringin á mikilli fækkun asískra ferðamanna hér á landi, umfram það sem á við um Evrópubúa, liggur í þeirri staðreynd að samgöngur milli Evrópu og Asíu eru ennþá mjög takmarkaðar vegna sóttvarnaraðgerða.
Það má því gera ráð fyrir að töluverður fjöldi þeirra asísku ferðamanna sem hingað koma séu í raun búsettir í Evrópu.
