Samfélagsmiðlar

Hið nýja Norwegian réttum megin við núllið

Löngu áður en heimsfaraldurinn skall á var rekstur Norwegian orðinn þungur. Hraður vöxtur hafði einfaldlega ekki skilað sér í jákvæðri afkomu og þegar Covid-19 skall á var félagið á vonarvöl. Stjórnendur félagsins nýttu hins vegar ástandið til að endursemja um skuldir félagsins og um leið að stokka upp reksturinn.

Í dag er Norwegian mun minna flugfélag en áður og skuldahaldinn miklu styttri. Og í morgun lagði félagið fram uppgjör sitt fyrir síðasta ár og niðurstaðan var hagnaður upp á 26 milljarða króna (1,9 milljarðar norskra). Skýringin liggur að mestu í jákvæðum bókhaldslegum áhrifum fyrrnefndra skuldabreytinga. Einnig seldi félagið afgreiðslutíma á Gatwick flugvelli í London.

Reksturinn sjálfur var hins vegar í mínus upp á 3,7 milljarða króna (265 norskar) en til samanburðar var rekstur Icelandair neikvæður um 4,4 milljarða króna á síðasta ársfjórðungi. Farþegatekjur íslenska félagsins námu þá 16,5 milljörðum kr. en tekjur Norwegian af farþegaflugi voru 28,2 milljarðar kr.

Hærri fargjöld

Á fundi með fjárfestum í morgun sagði Geir Karlsen, forstjóri og fjármálastjóri Norwegian, að horfurnar væru jákvæðar fyrir árið sem nú er hafið. Félagið mun því fjölga flugvélum úr 51 í 70 í sumar og eins og staðan er í dag þá eru meðalfargjöldin í júlí þrjátíu prósent hærri en þau voru á þessum tíma fyrir heimsfaraldur. Vildi norski forstjórinn meina að þetta væru vísbendingar um að hátt olíuverð væri farið að hafa áhrif á farmiðaverðið.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …