Samfélagsmiðlar

Horfa til fleiri áfangastaða í Danmörku

Forstjóri Play segir valið standa á milli tveggja danskra flugvalla.

Í dag er Kaupmannahöfn eini áfangastaður Play í Danmörku.

Kaupmannahöfn hefur ávallt verið fastur liður í flugáætlunum íslenskra flugfélaga og núna geta farþegar á leið héðan til dönsku höfuðborgarinnar valið á milli reglulegra ferða með Icelandair, Play og SAS. Icelandair situr hins vegar eitt að ferðunum milli Íslands og Billund á Jótlandi. Á því gæti þó orðið breyting næsta sumar.

Stjórnendur Play horfa nefnilega til áfangastaðar á Jótlandi fyrir sumarið 2023. Og þar koma tveir til greina að sögn Birgis Jónssonar, forstjóra Play, sem ræddi áform félagsins í Danmörku við dönsku flugfréttasíðuna Checkin.dk. Bæði Billund og Árósar koma til greina þegar Play stækkar leiðakerfi sitt næsta sumar þegar flugfloti félagsins mun telja tíu Airbus þotur.

Ef Árósar verða fyrir valinu þá verður það í fyrsta sinn sem áætlunarflugi er haldið úti héðan til þessarar næstfjölmennustu borgar Danmerkur.

Sem fyrr segir er Billund hluti af leiðakerfi Icelandair en þó aðeins yfir sumarmánuðina. Nú í sumar er gert ráð fyrir þremur ferðum í viku en á sínum tíma þá hélt Iceland Express úti reglulegum ferðum til Billund og Wow Air spreytti sig líka á jóska flugvellinum sem er skammt frá Legolandi.

Icelandair hefur einnig flogið stakar ferðir til Billund í kringum jól og áramót en þúsundir Íslendinga búa á Jótlandi.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …