Samfélagsmiðlar

Norsk lággjaldaflugfélög hamstra Max þotur

Norwegian var eitt þeirra flugfélaga sem nýtti Boeing Max þotur í flug til Íslands árið 2018 þegar flugvélar af þessari gerð voru nýjar af nálinni. Í mars 2019 voru hins vegar Max þotur kyrrsettar um heim allan í kjölfar tveggja flugslysa þar sem 346 manns missti lífið.

Á þeim tíma hafði Norwegian fengið afhentar átján af þeim hundrað og tíu Boeing Max flugvélum sem félagið hafði pantað á sínum tíma. Hluti af fjárhagslegri endurskipulagningu norska félagsins í hittifyrra var hins vegar að segja upp samningnum við Boeing. Sú uppsögn byggði á þeirri staðreynd að bandaríski flugframleiðandinn hafði ekki náð að afhenda vélarnar á umsömdum tíma.

Áhugi stjórnenda Norwegian á Boeing Max er þó ennþá til staðar því nýverið tilkynnti félagið um leigu á tveimur Max þotum fyrir komandi sumarvertíð. Og á fyrri helmingi næsta árs bætast tíu við að því segir í tilkynningu frá félaginu í dag. Samkvæmt svörum frá Norwegian, við fyrirspurn Túrista, eru þoturnar leigðar með skilmálum um að félagið greiði aðeins fyrir hvern floginn klukkutíma til að byrja með.

Þetta er sama leið og Play hefur farið í leigu á sínum vélum. Stjórnendur Icelandair hafa hins vegar ekki kosið þessi kjör eins og forstjóri félagsins fór nýverið yfir hér á síðunni í tengslum við samning félagsins um leigu á tveimur Max þotum.

Norwegian er ekki eina norska lággjaldaflugfélagið sem mun fljúga farþegum sínum í Max flugvélum því í síðustu viku tók Flyr á móti fyrstu sinni þotu af þessari gerð. Félagið fær samtals sex Boeing Max vélar á næstu mánuðum.

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …