Samfélagsmiðlar

Apríl verður vendipunkturinn

Það ætti ekki að verða tómlegt um að litast í Leifsstöð í næsta mánuði.

Þó flugumferðin um Keflavíkurflugvöll hafi verið að aukast töluvert síðustu mánuði þá hefur hún verið umtalsvert minni en fyrir heimsfaraldur.

Nú eru hins vegar tímamót framundan því í apríl eru á dagskrá jafn margar brottfarir og voru farnar á sama tíma árið 2019. Þetta sýnir samantekt Túrista sem byggir á talningu á þeim ferðum sem eru í sölu í dag og hins vegar öllu flugi frá Keflavíkurflugvelli í apríl árið 2019.

Núna eru á dagskrá að jafnaði 45 brottfarir á dag og svo margar voru þær líka í apríl 2019. Þann mánuð hefðu ferðirnar reyndar átt að vera um tveimur fleiri á dag en hátt í fimmtíu áætlunarferðum var aflýst. Óhætt er að gera ráð fyrir að einhverjar breytingar verði líka á flugáætluninni að þessu sinni.

Að öllu óbreyttu mun umferðin um Keflavíkurflugvöll í apríl þó verða á pari við það sem var fyrir heimsfaraldur. Batinn á íslenska flugmarkaðinum er því hraðari en víða annars staðar.

Ennþá langt í metárið 2018

Það verður þó að hafa tvennt í huga varðandi stöðuna. Í fyrsta lagi þá varð umtalsverður samdráttur í flugi til og frá Keflavíkurflugvelli í kjölfar gjaldþrots Wow Air í lok mars 2019.

Flugferðirnar í apríl 2019 voru þrjátíu prósent færri en sama tíma árið á undan og farþegunum á Keflavíkurflugvelli fækkaði um 27 prósent. Samdrátturinn í fjölda erlendra brottfararfarþega var minni eða 19 prósent samkvæmt talningu Ferðamálastofu. Skýringin á lægra hlutfalli er sú að með falli Wow Air fækkaði skiptifarþegunum umtalsvert.

Íslenski flugmarkaðurinn fékk því þungt högg árið 2019 öfugt við það sem var raunin út í heimi.

Verri sætanýting

Það ber líka að horfa til þess að þoturnar eru ekki eins þéttsetnar og þær voru hér áður. Í hverri flugferð eru að jafnaði nokkru færri farþegar og því ekki hægt að gera ráð fyrir að straumur ferðamanna til landsins í apríl verði sambærilegur við það sem var í apríl 2019.

Þá innrituðu 120 þúsund útlendingar sig í flug frá Keflavíkurflugvelli en til samanburðar voru þeir 76 þúsund í febrúar í ár.

Í næsta mánuði má gera ráð fyrir að Icelandair standi fyrir rétt um sex af hverjum tíu áætlunarferðum frá Keflavíkurflugvelli og Play verði með um tíundu hverja brottför.

Áhugasamir lesendur um ítarlegri upplýsingar um flugumferðina um Keflavíkurflugvöll næstu mánuði geta sent fyrirspurn á [email protected]

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …