Samfélagsmiðlar

Eftirspurnarbóla sem gæti sprungið áður en sumarið er liðið

Farþegar á Heathrow flugvelli.

Í ferðageiranum hér heima og erlendis er ítrekað talað um mikla eftirspurn eftir ferðalögum nú þegar heimsfaraldurinn er í rénum. Verðskrár flugfélaga, ferðaskrifstofa og hótela hafa hækkað í takt við þennan margumrædda „ferðavilja“.

Útlitið er þó ekki svo bjart til lengri tíma að mati stjórnenda Heathrow flugvallar í London. Í tilkynningu sem þeir sendu frá sér í vikunni kveður nefnilega við annan tón. Þar er talað um að aukin eftirspurn eftir ferðalögum sé aðeins tímabundin og næsti vetur gæti orðið mjög kaldur í fluggeiranum.

Máli sínu til stuðnings vísa stjórnendur Heathrow til þess að nú þegar séu flugfélög farin að fella niður ferðir í haust. Hátt olíuverð, samdráttur í hagkerfum heimsins, stríðsrekstur Rússa í Úkraínu og áframhaldandi heimsfaraldur dragi nefnilega úr eftirspurn.

Financial Times hefur það eftir forstjóra Heathrow að þessi mikla löngun eftir ferðalögum sem nú ríki skrifist á afléttingu sóttvarnaraðgerða vegna Covid-19. Þetta sé því í raun ekki eðlileg eftirspurn og úr henni muni því draga á einhverjum tímapunkti.

Forstjóri Virgin Atlantic flugfélagsins gagnrýnir þessa svartsýnu spá Heathrow og segir hana einfaldlega vera hluta samningaviðræðum flugvallarins við bresk flugmálayfirvöld. Stjórnendur Heathrow vilja nefnilega fá heimild til að hækka gjaldskrá sína umtalsvert en flugfélögin streitast á móti.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …