Samfélagsmiðlar

Tapið mun meira en á góðu árunum

Tap Icelandair á fyrsta fjórðungi var sambærilegt við sama tímabil 2019 en þá hafði kyrrsetning Max þotanna neikvæð áhrif.

Þegar Icelandair kynnti uppgjör sitt fyrir fjórða ársfjórðung síðast árs var bent sérstaklega á að leita þyrfti aftur til ársins 2016 til að finna minna rekstrartap (EBIT) á þessum tíma árs. Þetta batamerki sést ekki í uppgjöri flugfélagsins fyrir fyrsta fjórðung þessa árs sem birt var í kvöld.

Nú er var rekstrartapið fyrstu þrjá mánuði ársins nefnilega töluvert meira en það var á árunum 2015 til 2018 eins og sjá má á grafinu hér fyrir neðan. Tapið var þó aðeins minna en á fyrsta fjórðungi 2019 en kyrrsetning Boeing Max þotanna í mars það ár hafði slæm áhrif á reksturinn.

Í heildina tapaði Icelandair 6,4 milljörðum króna í janúar til mars í ár og rekstrartapið (EBIT) nam 7,4 milljörðum eða 50 milljónum dollara en flugfélagið gerir upp í þeirri mynt.

Í tilkynningu í kvöld er haft eftir Boga Nils Bogasyni, forstjóra Icelandair, afkoman á fjórðungnum hafi verið í takt við væntingar stjórnenda. Mikil hækkun eldsneytisverðs, áhrif ómikron afbrigðisins og umtalsverður kostnaður í tengslum við undirbúning sumaráætlunar hafi haft neikvæð áhrif.

Bogi bætir því við að bókunarstaðan fyrir sumarið sé góð á öllum mörkuðum flugfélagins.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …