Samfélagsmiðlar

Telja fulla ástæðu til að fylgjast með stöðu Icelandair

Bogi Nils Bogason er bæði forstjóri Icelandair og stjórnarformaður ferðaskrifstofunnar Vita.

Samkeppnisyfirvöld gáfu í morgun samþykki sitt fyrir yfirtöku Ferðaskrifstofu Íslands á Heimsferðum en þó með fyrirvörum. Sameinað félag verður til að mynda að selja keppinautum sínum sæti í leiguflug en þó ekki Icelandair eða ferðaskrifstofunni Vita sem eru í eigu flugfélagsins.

Í úrskurði Samkeppnisyfirlitsins um fyrrnefndan samruna er talsvert fjallað um stöðu Icelandair samsteypunnar á markaði fyrir ferðalög Íslendinga. Það segir hins vegar að samrunamál keppinauta Icelandair sé ekki rétti vettvangur til að rannsaka vísbendingar, ábendingar eða kvartanir um mögulegar samkeppnishindranir sem leiða kunna af stöðu eða háttsemi flugfélagsins.

„Full ástæða er hins vegar til þess að fylgjast í framhaldinu með áhrifum Icelandair-samstæðunnar á ferðaþjónustumarkaði,“ segir í úrskurði Samkeppniseftirlitsins.

Líkt og Túristi hefur fjallað um þá hefur Icelandair stóraukið flug til áfangastaða eins og Tenerife og Alicante og bætt við fleiri áfangastöðum við Miðjarðarhafið. Einnig hefur félagið bætt við framboð á skíðaferðum.

Á sama tíma hefur rekstur Vita ferðaskrifstofunnar verið færður inn á skrifstofur Icelandair en Bogi Nils Bogason, forstjóri Icelandair, er jafnframt stjórnarformaður Vita.

Aðspurður um þessi auknu umsvif Icelandair þá staðfesti Páll Gunnar Pálsson, forstjóri Samkeppniseftirlitsins, í viðtali við Túrista sl. haust, að umsvif Icelandair og Vita hafi verið til skoðunar í tengslum við fyrrnefndan samruna.

Páll Gunnar vísaði þá til þess að bæði Samkeppniseftirlitið og dómstólar hafi á fyrri tíð metið fyrirtæki í Icelandair samstæðunni markaðsráðandi á tilteknum mörkuðum. Til að mynda í flugi á tilteknum flugleiðum og í flugþjónustu. 

„Bann samkeppnislaga við misnotkun á markaðsráðandi stöðu kann því að setja fyrirtækjum í þeirri samstæðu skorður. Samkeppniseftirlitið hefur hins vegar enga afstöðu tekið til þessa,“ bætti forstjóri Samkeppniseftirlitsins við.

Til marks um hlutdeild Icelandair á markaðnum þá flugu um 26 þúsund farþegar frá Íslandi til Tenerife á fyrstu þremur mánuðum ársins samkvæmt tölum frá spænskum flugmálayfirvöldun. Af þessum fjölda sátu um 12 þúsund farþegar í þotum Icelandair. Play flutti um níu þúsund og rétt um fimmtungur farþega nýtti sér leiguflug Ferðaskrifstofu Íslands og Heimsferða.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …