Samfélagsmiðlar

Gera stutt hlé á Íslandsfluginu frá Gatwick

Starfsemi Easyjet gengur ekki snurðulaust fyrir sig þessa dagana.

easyjet 2017

Þotur Easyjet munu ekki fljúga eins margar ferðir hingað til lands næstu daga og gert var ráð fyrir.

Stjórnendur breska flugfélagsins Easyjet gáfu það út í dag að meira en tvö hundruð flugferðum frá Gatwick flugvelli í London yrði aflýst næstu daga. Skrifast þessi ákvörðun á seinkanir í afgreiðslu í flugstöðinni og aðrar takmarkanir samkvæmt frétt Reuters.

Að jafnaði verður tuttugu og fjórum flugferðum á dag frestað frá og með deginum í dag og fram til 6. júní. Samkvæmt athugun Túrista þá verður Íslandsflug Easyjet frá Gatwick fyrir áhrifum af þessu því félagið felldi niður ferð dagsins til Keflavíkurflugvallar og tekið úr sölu allar brottfarir hingað til lands fram til 11. júní.

Ferðir félagsins hingað frá öðrum flugvöllum eru hins vegar óbreyttar.

Easyjet hefur verið í vandræðum síðustu vikur við að halda úti eðlilegri starfsemi. Á fimmtudaginn þurfti að aflýsa meira en tvö hundruð flugferðum vegna bilunar í tölvukerfi og svo hefur félagið þurft að fjarlægja sæti út þotum sínum vegna skorts á flugfreyjum.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …